Rasija sprabuje stvaryć ułasnuju supraćrakietnuju sistemu, anałahičnuju amierykanskaj GMD

U Rasii idzie raspracoŭka anałahaŭ dźviuch amierykanskich sistem supraćrakietnaj abarony — THAAD, zdolnaj zmahacca z rakietami siaredniaj dalnaści, i GMD, pryznačeńniem jakoj jość pierachop mižkantynentalnych balistyčnych rakiet, skazaŭ hienieralny kanstruktar kancerna «Ałmaz-Antej» Pavał Sozinaŭ.

Pavialičyć

«Pa patrabavańni Minabarony my pavinny zabiaśpiečyć značna bolš vysokuju efiektyŭnaść pierachopu, čym u amierykancaŭ», — pieradaje jahonyja słovy sajt lenta.ru.

Amierykanski kompleks THAAD (Terminal High Altitude Area Defense — «vysotnaja abarona rajona ad rakiet na kancavoj stadyi trajektoryi») pryznačany dla pierachopu apieratyŭna-taktyčnych i taktyčnych balistyčnych rakiet z dalnaściu da 3500 km. Takija kompleksy pačali pastaŭlać u vojski ŭ 2008 hodzie.

U adroźnieńnie ad kłasičnych supraćrakiet, rakiety THAAD nie niasuć vybuchoŭki i źniščajuć svaje celi kinietyčnym udaram — naŭprost traplajučy ŭ metu. Ličycca, što pry hetym pry źniščeńni celi minimizujecca ryzyka detanacyi atamnych, chimičnych ci bijałahičnych bojehałovak. Dalnaść ich dziejańnia pieravyšaje 200 km.

Hledziačy pa toj infarmacyi, jakaja była ŭ adkrytych rasijskich krynicach, anałahičnyja mahčymaści musić mieć pierśpiektyŭny rasijski zienitna-rakietny kompieks S-500. Praŭda, S-500 raniej zajaŭlaŭsia jak bolš kłasičny ZRK, skiravany na baraćbu i z rakietami, i z samalotami.

Što datyčycca baraćby s mižkantynientalnymi balistyčnymi rakietami — dla čaho pryznačanaja amerykanskaja GMD (Ground-based Midcourse Defense — «naziemnaja abarona ad rakiet na siarednim adrezku trajektoryi»), to Sozinaŭ adznačyŭ, što takija kompleksy ŭ RF musiać być mabilnymi, a nie stacyjanarnymi, jak u ZŠA.

Pavialičyć

Amierykanskaja sistema, asnoŭnym elemientam jakoj źjaŭlajucca rakiety šachtnaha baziravańnia, razhornutaja ŭ Alascy i Kalifornii — takim čynam jana prykryvaje Štaty ad mahčymaj ataki z boku KNDR. Treci pazicyjny rajon płanavałasia razharnuć u Polščy pry prezidencie Džordžy Bušy, adnak hetyja płany byli admienienyja Barakam Abamam. Z 2004 hoda prajšło 13 vyprabavańniaŭ GMD, 12 ź ich byli całkam paśpiachovymi.

U 1960-ch hodach SSSR sprabavaŭ stvaryć stratehičnuju sistemu rakietnaj abarony krainy «Taran». Płanavałasia padryvać u kosmasie 10-miehatonnyja atamnyja zarady pryblizna na trajektoryi amierykanskich rakiet. Raspracoŭka doŭžyłasia z 1961 pa 1964 hod i była zhornutaja z-za taho, što ZŠA rezka pavialičyli kolkaść svaich mižkantynientalnych rakiet, u vyniku čaho saviecki prajekt staŭ zanadta darahim. Da taho ž pieršyja ž vybuchi ŭ kosmasie pačali b «aślaplać» radyjołakacyjnyja sistemy savieckaj supraćrakietnaj abarony, i pierachapić novyja rakiety stała b amal niemahčyma.

• 0
• 0
• 0
• 0
• 0
• 0
• 0
• 0