Adnosiny Biełarusi i Rasijskaj Fiederacyi, a taksama raźvićcio jeŭrazijskich intehracyjnych pracesaŭ abmierkavany 11 śniežnia padčas sustrečy ŭ Ministerstvie zamiežnych spraŭ z kiraŭnikami dypłamatyčnych misij krain — členaŭ ES, raźmieščanych u Minsku.
«U chodzie hutarki adbyŭsia abmien mierkavańniami pa prablemnych pytańniach u adnosinach Respubliki Biełaruś i Rasijskaj Fiederacyi, a taksama raźvićcia jeŭrazijskich intehracyjnych pracesaŭ.
U hetym kantekście była adznačana važnaść dyjałohu i supracoŭnictva pamiž Biełaruśsiu i ES», — paviedamlaje pres-słužba biełaruskaha źniešniepalityčnaha viedamstva.
Akramia hetaha adznačajecca, što ministr zamiežnych spraŭ Biełarusi Uładzimir Makiej taksama pravioŭ telefonnyja razmovy ź niekatorymi kalehami z krain — členaŭ ES i abmierkavaŭ ź imi raźvićcio situacyi ŭ rehijonie i biełaruska-jeŭrapiejskija adnosiny.
Nahadajem, rasijskija ŭłady ŭ listapadzie zabłakiravali pastaŭki na ŭnutrany rynak mnohich biełaruskich charčovych tavaraŭ. Na naradzie 11 śniežnia Alaksandr Łukašenka znoŭ zakranuŭ kanfliktnuju situacyju z abmiežavańniem pastavak biełaruskaha charčavańnia ŭ Rasiju. «Nie my byli pryčynaj takoha kanfliktu, — zajaviŭ Łukašenka. — Paprakać biełarusaŭ niama čaho ŭ tym, što hety skandał, kali jaho možna tak nazvać, vybuchnuŭ. Ale heta nie pieršy raz».
Ciapier čytajuć
Mackievič: Cichanoŭskuju źniać, zamianić, pieraabrać nielha. Nie mučajciesia. Nielha — i ŭsio17
Mackievič: Cichanoŭskuju źniać, zamianić, pieraabrać nielha. Nie mučajciesia. Nielha — i ŭsio
Fiaduta — Kaleśnikavaj: Mašańka, ci viarniciesia na Miesiac, ci nie vučycie žyć tych, chto stamiŭsia nabivać huzy ad čarhovaha nastupańnia na hrabli3737
Kamientary