U Biełarusi hety pracoŭny tydzień budzie dla mnohich daŭžejšy, čym zvyčajna: pracoŭny dzień z 26 śniežnia pieranosicca na subotu 20 śniežnia, nahadvaje BiełTA.
Hety pieranos praduhledžany ŭ suviazi sa śviatkavańniem 25 śniežnia katalickaha Rastva.
Razam z tym arhanizacyjam dadziena prava z ulikam śpiecyfiki vytvorčaści (pracy) ažyćciaŭlać pieranos rabočych dzion u inšym paradku ŭ adpaviednaści z zakanadaŭstvam.
Atrymlivajecca, što hety pracoŭny tydzień budzie šaścidzionny. Zatoje na nastupnym tydni možna budzie jak śled adpačyć — napieradzie 4 vychodnyja dni (25—28 śniežnia).
Jak raniej paviedamlałasia, u adpaviednaści z zaćvierdžanym Savietam Ministraŭ Biełarusi hrafikam pieranosu pracoŭnych dzion u 2015 hodzie, pracoŭny dzień ź piatnicy 2 studzienia pieranosicca na subotu 10 studzienia.
I značyć, na Novy hod vychodnymi buduć 1, 2, 3 i 4 studzienia.
Adzinaje, što, jak skazali ŭ Minadukacyi, škoły sami pavinny vyrašać: vučycca 26 śniežnia (piatnica) ci nie. U vypadku stanoŭčaha vyrašeńnia pytańnia, školnyja kanikuły pačnucca ŭžo 25 śniežnia, a nie 29-ha.
«Čamu ja pavinien dakazvać, što nie darmajed?» Pradprymalnika z Homiela pamyłkova zapisali ŭ niezaniatyja — jon daviedaŭsia tolki paśla vializnych rachunkaŭ za kamunałku16
Kamientary