Prablema niedachopu najaŭnaj zamiežnaj valuty ŭ abmiennych punktach kamiercyjnych bankaŭ budzie vyrašana ŭ pačatku nastupnaha tydnia. Pra heta karespandentu BIEŁTA paviedamiła staršynia praŭleńnia Nacbanka Nadzieja Jermakova.
Nacbank pravodzić pastajanny manitorynh situacyi ŭ abmiennych punktach jak u stalicy, tak i ŭ rehijonach. Infarmacyja kaža ab tym, što valuty pa-raniejšamu nie chapaje. U niekatorych abmiennych punktach pradajuć tolki nabytuju raniej valutu, asobnyja abmieńniki naohuł nie pracujuć.
Pa słovach kiraŭnika Nacbanka, deficyt najaŭnaj valuty utvaryŭsia z-za rezkaha pavieličeńnia popytu:
z pačatku śniežnia jon vyras bolš čym u 7 razoŭ. Kali ŭ listapadzie popyt na najaŭnuju valutu ŭ siarednim u dzień składaŭ kala $ 5 młn u ekvivalencie, to 16 śniežnia - užo $ 33 młn, 17 śniežnia - $ 66 młn, a 18 śniežnia - $ 80 młn. Da takoj rezkaha źmianieńnia situacyi banki apynulisia prosta nie hatovyja. Ale ŭ chutkim časie prablema budzie vyrašana. «My ŭžo centralizavana zamovili valutu. Na nastupnym tydni jana ŭ dastatkovaj kolkaści źjavicca ŭ abmieńnikach. U paniadziełak-aŭtorak situacyja z najaŭnymi pavinna narmalizavacca», - skazała Nadzieja Jermakova.
Uličvajučy abstaviny, Nacbank rekamiendavaŭ kambankam nie adčyniać zaŭtra abmiennyja punkty, u jakich nie chapaje najaŭnaj valuty.
«Kab i ludziej nie biantežyć lišni raz, i kasiry mahli adpačyć», - adznačyła Nadzieja Jermakova.
Ciapier čytajuć
Pabiŭšy rekord, ceny na kvatery ŭ Minsku pačali prasiadać. Kolki ciapier u siarednim prosiać za mietr?2
Pabiŭšy rekord, ceny na kvatery ŭ Minsku pačali prasiadać. Kolki ciapier u siarednim prosiać za mietr?
«Uśviedamlaju, što mahu stać pieršaj biełaruskaj, jakaja naviedaje ŭsie krainy śvietu». Padarožnica ź Minska razmaŭlaje na 8 movach i maryć pražyć 200 hadoŭ99
Kamientary