Bajnet źbiraje podpisy za viartańnie Onliner.by
Na sajcie Change.org idzie zbor podpisaŭ za viartańnie damiennaha imia Onliner.by u nacyjanalnuju damiennuju zonu Biełarusi.
«Viarnicie sajt Onliner.by ŭ Rejestr Respubliki Biełaruś, sajt byŭ vielmi karysny dla ŭsich žycharoŭ Biełarusi, mora karysnaha i samaja vialikaja Barachołka ŭ Biełarusi», — pišacca ŭ pietycyi.
Na momant publikacyi pad pietycyjaj pastavili virtualnyja podpisy 4 tysiačy karystalnikaŭ.
U chutkim časie administracyja resursu paćvierdzić novy, bolej poŭny tekst pietycyi. U im aŭtar kaža, što akramia katałohu tavaraŭ Onliner.by heta taksama infarmacyjny resurs, što piša na temy «Ludzi», «Aŭto» dy «Nieruchomaść», jakija nie adnosiacca da prodažaŭ, a taksama ŭtrymlivaje forum dy barachołku, dzie infarmacyju publikujuć fizičnyja asoby.
Damiennaje imia Onliner.by było vyklučanaje z nacyjanalnaj damiennaj zony uviečary 20 śniežnia pavodle vyrašeńnia Apieratyŭna-analityčnaha centru pry prezidencie.
Jak patłumačyła namieśnik ministra handlu Biełarusi Iryna Narkievič, ministerstva na praciahu hoda nieadnarazova vynosiła papiaredžańni hetaj placoŭcy. Pavodle jaje słoŭ, mienavita placoŭki nakštałt Onliner.by spryjajuć tamu, kab siehmient rynku zachlisnuŭ hałapujučy skačok cen.
«Anłajnier» častkova adnaviŭ dziejnaść na domienie Onliner.ru.
Na toj ža adras karystalnik pieranakiroŭvajecca z damiena Online.by. Na Onliner.ru dasiažnyja naviny i archiŭ forumu, ale niedasiažnyja katałoh dy barachołka.
Hałoŭny redaktar «Anłajniera» Dzianis Blišč u aficyjnaj zajavie kaža, što vystupaje za cyvilizavanaje raźvićcio internet-handlu i abaronu pravoŭ spažyŭcoŭ dy robić usio, kab adpaviadać patrabavańniam Minhandlu, u tym liku pa prasoŭvańni ajčynnych tavaraŭ. My apieratyŭna ukaraniajem šerah źmienaŭ na sajcie, pradpisanych Ministerstvam handlu.
Ciapier čytajuć
«Na kancertach niama miesca radykalnamu nacyjanalizmu, ahresii i hvałtu». Maks Korž vykazaŭsia nakont skandału, jaki razhareŭsia paśla jaho vystupu ŭ Varšavie3434
«Na kancertach niama miesca radykalnamu nacyjanalizmu, ahresii i hvałtu». Maks Korž vykazaŭsia nakont skandału, jaki razhareŭsia paśla jaho vystupu ŭ Varšavie34
Biełaruska arhanizavała adpačynak dla dziaciej palitviaźniaŭ na Łazurnym bierazie. Jana raskazała, jak uciakała z krainy i jak jaje zatrymlivaŭ Interpał1212
Kamientary