Achviary «pieratrachvańnia»: biez pasadaŭ zastalisia Tozik, Rubinaŭ, Sumar i Maskievič
27 śniežnia Alaksandr Łukašenka zrabiŭ amal try dziasiatki pryznačeńniaŭ. Bolšaść čynoŭnikaŭ prosta źmianili miesca pracy. Niechta, jak Alaksandr Kosiniec pajšoŭ pa namienkłaturnaj ijerarchii ŭniz – ź viciebskaha hubiernatara ŭ kiraŭniki Administracyi prezidenta. A kahości, jak Piatra Prakapoviča i Nadzieju Jermakova adpravili na hanarovy adpačynak – u naziralnyja rady bankaŭ.
U kancy łancužkoŭ pieratasoŭvańnia akazalisia tolki niekalki čynoŭnikaŭ. 65-hadovy historyk i rabotnik orhanaŭ biaśpieki Anatol Tozik adpraŭleny z vysokaj pasady vice-premjera ŭ nikudy. Kaliści Łukašenka ŭžo panižaŭ jaho, zamiest kiravańnia Kamitetam dziaržaŭnaha kantrolu Tozik tady staŭ ambasadaram u Kitai, ale zdoleŭ viarnucca va ŭrad.
Takoha ž vieku i były staršynia Bresckaha abłvykankama Kanstancin Sumar. Apošnija dziesiać hadoŭ tamu jon kiravaŭ vobłaściu, a pierad tym byŭ ministram pa padatkach i zborach.
Staršyni savieta respubliki, fiziku pa prafiesii i stalinistu pa pohladach Anatolu Rubinavu ŭžo bolš za 75 hadoŭ. Jak jaho zamienić Michaił Miaśnikovič, pakul niezrazumieła. U saviet respubliki abirajecca 64 čałavieki, 8 ź iz pryznačaje Alaksandr Łukašenka. Usie «prezidenckija» miescy pakul zaniatyja, zatoje jość vakansii ad Mahiloŭščyny i Viciebščyny, tamtejšyja sienatary apynulisia za kratami.
Aproč ich, u vyniku zvyčajnaj ratacyi pasady stracili niekalki ministraŭ. Dni Siarhieja Maskieviča byli źličanyja, kali Alaksandr Łukašenka upiknuŭ jaho dziećmi, jakija pracujuć u ZŠA. 61-hadovy fizik praciahnie navukovuju i vykładčyckuju dziejnaść.
Małapubličny były ministr pa padatkach i zborach 53-hadovy Uładzimir Pałujan viadomy tym, što naradziŭsia ŭ adnoj vioscy z Uładzimiram Makiejem.
A voś były staršynia kamiteta pa majomaści 64-hadovy Hieorhij Kuźniacoŭ nieadnarazova vykazvaŭsia ŭ padtrymku biełaruskaj movy, błakujučy tapanimičnyja reformy kamunista Ihara Karpienki ź Minharvykankama.
Ciapier čytajuć
«Źviažyciesia z nami»: Prakopjeŭ napisaŭ kałonku dla «NN», u jakoj abhruntoŭvaje znachodžańnie Cichanoŭskaha ŭ Štatach i prosić hrošaj11
«Źviažyciesia z nami»: Prakopjeŭ napisaŭ kałonku dla «NN», u jakoj abhruntoŭvaje znachodžańnie Cichanoŭskaha ŭ Štatach i prosić hrošaj
Halina Dzierbyš kazała prakuroru: «Jak pamru, budu da ŭsich vas nočču prychodzić». I žyćcio ŭžo dahnała jaje sudździu i śviedak. Historyja piensijanierki, jakoj dali 20 hadoŭ kałonii1515
Kamientary