Da ŭrehulavańnia situacyi na valutnym rynku mnohija biełaruskija pradpryjemstvy majuć namier prypynić pracu.
Takija vyniki ekspres-apytańnia pradpryjemstvaŭ, paviedamiła dyrektar Biźnies-sajuza pradprymalnikaŭ i najmalnikaŭ imia prafiesara Kuniaŭskaha Žanna Tarasievič.»Asnoŭnaja masa pradpryjemstvaŭ, zhodna z našym apytańniem, majuć namier prypynić svoj biźnies, skaracić pastaŭki abo prypynić prodažy, tamu što niezrazumieła, što budzie dalej», — zaznačyła Tarasievič.
Aprača taho, jak śviedčać vyniki apytańnia, u suviazi ź situacyjaj na valutnym rynku subjekty haspadarańnia majuć namier aptymizavać kolkaść piersanału, paviedamiła kiraŭnik biźnies-sajuza. «Pradpryjemstvy majuć namier častkova skaracić supracoŭnikaŭ, kab vypłačvać dobruju zarpłatu astatnim rabotnikam. Isnujuć i takija subjekty haspadarańnia, jakija, u suviazi z najaŭnaj situacyjaj, majuć namier dyviersifikavać svoj biźnies», — paviedamiła dyrektar biźnies-sajuza.
Jana vykazała nadzieju na toje, što ŭ kančatkovym vyniku ŭrad znojdzie rašeńnie, jakoje ŭrehuluje situacyju na valutnym rynku i dazvolić pradpryjemstvam viarnucca da narmalnaj pracy. «Ja spadziajusia, urad i biźnies-supolnaść sumiesna vypracujuć rašeńnie, jakoje budzie prymalnaje dla nas usich», — padkreśliła Tarasievič.
Jak raniej paviedamlałasia, šeść biełaruskich biźnies-sajuzaŭ na minułym tydni adpravili ŭ orhany dziaržkiravańnia, u tym liku ŭ Administracyju prezidenta, list u suviazi ź situacyjaj na valutnym rynku.
U im zaznačajecca, što paśla ŭviadzieńnia 30-pracentnaha padatku na biržavyja apieracyi pa nabyćci zamiežnaj valuty i pavieličeńnia normy abaviazkovaha prodažu valutnaj vyručki z 30% da 50% «rezka źmianilisia ŭmovy haspadarčaj dziejnaści dla pieravažnaj bolšaści kamiercyjnych arhanizacyj». Zhodna z acenkami biźnies-sajuzaŭ, praktyčna ŭsie pradpryjemstvy staviacca da pryniatych na valutnym rynku rašeńniaŭ admoŭna.
Kiraŭniki biełaruskich biźnies-sajuzaŭ u hutarcy z karespandentam BiełaPAN źviartali ŭvahu na toje, što 30-pracentny zbor pry kupli zamiežnaj valuty pradpryjemstvy pa dziejnym zakanadaŭstvie pavinny vypłačvać za košt čystaha prybytku. «Hety zbor davodzicca vypłačvać varvarskim sposabam», — zajaviŭ sustaršynia Respublikanskaj kanfiederacyi pradprymalnictva Viktar Marhiełaŭ.
Ciapier čytajuć
«Łukašenka na minimałkach». «Biełaruski kachanak usiaje Rusi» staŭ kumiram žanočaha tyktoka1
«Łukašenka na minimałkach». «Biełaruski kachanak usiaje Rusi» staŭ kumiram žanočaha tyktoka
Pahražaŭ vajskoŭcam raskryć, chto ź ich homaseksuał, kab vypytać sakrety i pradać Ukrainie. Voś za što adyjozny funkcyjanier BRSM atrymaŭ 17 hadoŭ kałonii1212
Kamientary