Zapracavała pieršaja ŭ Biełarusi chryścijanskaja internet-krama
Ryma-katalickaja parafija Śviatoj Trojcy ŭ Hłybokim adčyniła svaju internet-kramu Catholicshop.by. U joj možna nabyć chryścijanskuju litaraturu, abrazy, atrybutyku, suvieniry.
Bolš jak pałovu asartymientu składajuć knihi, jakija pradstaŭleny 396 najmieńniami – relihijnyja, fiłasofskija, mastackija tvory, litaratura pa psichałohii i vychavańni. Stvaralniki nie abmiežavalisia tolki katalickimi aŭtarami – mnohija knihi pa psichałohii napisanyja pratestantami, a tvory pravasłaŭnaha śviatara Alaksandra Mienia navat vyłučanyja ŭ asobny raździeł.
Sajt aformleny całkam na biełaruskaj movie.
Minusam kramy jość vysokija košty. Kali paraŭnoŭvać košty na knihi, to jany daražejšyja, čym u staličnaj kramie «Duchoŭnaja kniha» (vuł. Bahdanoviča, 25). Tym, chto žyvie nie ŭ Minsku, vybirać nie davodzicca, bo ŭ rehijonach ciažka znajści ŭ prodažy chryścijanskuju litaraturu. Naohuł, heta pieršaja chryścijanskaja internet-krama ŭ Biełarusi.
Kamientary