Try baradatyja kazły niasuć adkaznuju słužbu ŭ adnym ź cialatnikaŭ AAT «Padjelcy» (Miorski rajon Viciebskaj vobł.).
«Kazły ŭ cialatniku — heta nie naša noŭ-chaŭ. Šyroka takaja praktyka raspaŭsiudžanaja ŭ zamiežnych krainach», — raspavioŭ karespandentu BiełTA dyrektar sielhaspradpryjemstva Siarhiej Kaściukoŭ.
Sam jon daviedaŭsia pra heta padčas naviedvańnia adnoj ź pieradavych haspadarak Minskaj vobłaści.
«Ideja pra toje, što fieramony kazłoŭ ŭpłyvajuć na virusy i zabivajuć škodnyja mikroby, padałasia mnie cikaŭnaj.
Ja sprabavaŭ znajści infarmacyju pra heta ŭ internecie, ale biespaśpiachova. Tamu sami praviarajem na praktycy», — raspavioŭ dyrektar.
Pavodle jaho, «baradaty antybijotyk» sapraŭdy pracuje — cialaty stali zdaraviejšymi.
Siarhiej Kaściukoŭ adznačyŭ, što hetyja kazły dastalisia haspadarcy zusim biaspłatna. «Ich utrymlivała na pryvatnym padvorku maci adnaho z našych supracoŭnikaŭ, i my prosta dapamahli žančynie pazbavicca ad rahatych baradačoŭ, jakija nie byli joj patrebnymi», — raspavioŭ jon.
Jak akazałasia, cialaty absalutna nie suprać takoha susiedstva. «Kazły z maładniakom siabrujuć, a voś pamiž saboj bjucca. Tamu trymajem ich na pryviazi: dva chodziać pa krajach i adzin — u siaredzinie cialatnika», — skazaŭ na zakančeńnie dyrektar haspadarki.
Ciapier čytajuć
Minsk, Varšava, Vilnia — paraŭnoŭvajem, dzie praściej kupić kvateru čałavieku ź siaredniaj zarpłataj1
Kamientary