Biełaruskija kaladnyja tradycyi ŭ amierykanskim horadzie FOTAFAKT
U štacie Ńju-Džersi, što susiedničaje ź Ńju-Jorkam, u horadzie Saŭt-Ryvier, bolš za sorak hadoŭ staić na ŭzhorku akrainy horada pryhožaja carkva sv. Jeŭfrasińni Połackaj.
Tut prychadžanie nie tolki molacca, ale i pierachoŭvajuć svaje relihijnyja tradycyi ŭ spałučeńni z tradycyjami amierykanskimi. Heta kali kazać pra śviatkavańnie Kaladaŭ.
Takoje śviatkavańnie adbyłosia ŭ niadzielu 11 studzienia.
Paśla malitvaŭ u carkvie, u prycarkoŭnym budynku Biełaruska-amierykanskaha hramadskaha centra adbyłasia zabaŭnaja navahodniaja-kaladnaja jalinka.
fota sa śviatkavańnia Janki Zaprudnika.
Udzielnikaŭ śviatkavalnaj prahramy i haściej pryvitaŭ i błasłaviŭ nastajaciel prychoda a. Michaił. Siastrynstva padrychtavała ŭsim smačny abied, a zatym prahučeli biełaruskija j amierykanskija kaladki. Adbylisia hulni i tancy, u tym liku karahodny «Jaščur».
Prybyŭ u zału pad kaniec sceničnaj prahramy Dzied Maroz ź miachom padarunkaŭ. Jaho hučna sustreli i dzieci, i maładyja, i staryja, bo padobnyja śviatkavańni prypadajuć usim da serca.
Śviatkavalnuju prahramu padrychtavali daśviedčanyja ŭ hetaj halinie spadaryni Taćciana Dziamieščyk i Viła Leŭčuk pry dapamozie ŭdziačnych prychadžanaŭ.
Biełaruskaja carkva ŭ Saŭt-Ryviery.
Kamientary