Filmy, što źmiaščajuć materyjały, jakija «haniać nacyjanalnuju kulturu, stvarajuć pahrozu nacyjanalnamu adzinstvu i padryvajuć asnovy kanstytucyjnaha ładu», mohuć nie atrymać prakatnaje paśviedčańnie ŭ Rasii, raspaviadaje Meduza.
Novyja patrabavańni da pretendentaŭ na kinaprakat u Rasii ŭtrymlivajucca ŭ prajekcie pastanaŭleńnia, što padrychtavaŭ rasijski ŭrad.
Pastanaŭleńnie musiła pačać dziejańnie z 1 studzienia, ale było adkładzienaje — jašče nie atrymanyja vodhuki ad usich ministerstvaŭ. Abmierkavańnie zakonaprajektu zavieršanaje, razhladacca buduć adno zaŭvahi, uniesienyja padčas abmierkavańnia.
Ekśpierty vykazali ździŭleńnie źjaŭleńniu paniatka «nacyjanalnaja jednaść».
Hałoŭny redaktar časopisa «Iskusstvo kino» Daniił Dandurej nazvaŭ heta «biesprecedentnaj atakaj na zdarovy sens». Hałava KinaSajuza Andrej Proškin ličyć, što heta moža pryvieści da zabarony filmaŭ, što «vybivajucca sa zvykłych ramak». Kiraŭnik prakatnaj kampanii «Kino biez hranic» Sem Klabanaŭ adznačyŭ, što nieviadoma, jak razmytaje aznačeńnie buduć traktavać čynoŭniki.
Ciapier čytajuć
Minharvykankam pra vuličnaje aśviatleńnie: Heta była razavaja akcyja. Siońnia ŭklučać a 18-j4
Minharvykankam pra vuličnaje aśviatleńnie: Heta była razavaja akcyja. Siońnia ŭklučać a 18-j
Ahientka Kardaš vykarystoŭvała seks, kab źbirać infarmacyju pra kalinoŭcaŭ i zavierbavać ukrainskaha kamandzira. A kurataru KDB pisała pra jaho: «Moj łoch»3535
Kamientary