Śledčym kamitetam ustanoŭlenyja akaličnaści zachopu zakładnika ŭ HC «Ščaście» ŭ Minsku, paviedamlaje sajt Śledčaha kamiteta.
Ustanoŭlena, što 1 kastryčnika 2014 h. mužčyna, 1991 h.n., znachodziačysia ŭ HC «Ščaście», pranik u abmienny punkt valut, ušturchnuŭšy supracoŭnicu banka nazad u pamiaškańnie ŭ toj čas, kali jana vychodziła na abied. Pahražajučy kasiru pradmietam vizualna padobnym na pistalet, zavałodaŭ hrašovymi srodkami banka, adnak pakinuć pamiaškańnie abmiennaha punkta nie zmoh pa niezaležnych ad jaho akaličnaściach.
U nastupnym, znachodziačysia ŭ pamiaškańni abmiennaha punkta valut i ŭtrymlivajučy ŭ jakaści zakładnika kasira, 1995 hoda naradžeńnia, jon patrabavaŭ u supracoŭnikaŭ milicyi zabiaśpiečyć jaho bieśpieraškodny sychod z vykradzienymi hrašovymi srodkami.
Try hadziny pieramoŭ vynikaŭ nie prynieśli, u suviazi z čym było pryniata rašeńnie ab praviadzieńni siłavoj apieracyi. U vyniku prafiesijnych dziejańniaŭ supracoŭnikaŭ SPBT «Ałmaz» padazravany byŭ abiasškodžany. Zakładnica padčas zachopu nie paciarpieła, joj była akazana psichałahičnaja dapamoha.
U chodzie rasśledavańnia kryminalnaj spravy śledčymi praviedzieny vyčarpalny kompleks śledčych dziejańniaŭ, nakiravany na vyśviatleńnie abstavinaŭ zdareńnia: vyvučanyja zapisy kamier videanazirańnia, dapytanyja dziasiatki śviedak.
Zhodna z zaklučeńniem balistyčnaj ekśpiertyzy, pradmiet, jaki znachodziŭsia ŭ rukach u napadnika, źjaŭlajecca pnieŭmatyčnym pistaletam vonkava całkam identyčnym bajavomu pistaletu sistemy Makarava.
Paśla poŭnaha i detalovaha vyvučeńnia ŭsich abstavinaŭ śledstvam pryniata rašeńnie ab spynieńni kryminalnaj spravy ŭ suviazi sa śmierciu asoby, što ździejśniła hramadska-niebiaśpiečnaje dziejańnie, havorycca ŭ paviedamleńni Śledčaha kamiteta.
Džefry Epštejn niekalki razoŭ atrymlivaŭ vizu ŭ Biełaruś. I dakładna naviedvaŭ našuju krainu7
Kamientary