Amierykaniec apublikavaŭ 12,5 tysiač daśledavańniaŭ nazirańnia NŁA
Entuzijast z ZŠA Džon Hrynvald apublikavaŭ vyniki 20-hadovaj pracy pa zbory infarmacyi ab prajekcie daśledavańniaŭ paviedamleńniaŭ pa nazirańni NŁA.
Na sajcie ŭ farmacie PDF sabranyja 140 tysiač staronak dakumientaŭ ab 12618 paviedamleńniaŭ pra NŁA, pieravažna nad ZŠA.
Kožny dakumient utrymlivaje padrabiaznaje apisańnie padziei i hipotezy ab pachodžańni zahadkavych abjektaŭ. Šukać paviedamleńni možna jak pa klučavym słovie, tak i pa hodzie — z 1940-ch pa 1960-ja.
Tolki 700 paviedamleńniaŭ zastajucca biez łahičnaha tłumačeńnia.
Naprykład, žoŭtyja i sinija ŭspyški ŭ niebie nad Nievadaj (PDF), što naziralisia 3 studzienia 1960 hoda, tłumačacca zapuskam rakiet niavyznačanaha typu, jakija nie byli zaŭvažanyja radarami. A pra paviedamleńni miascovych žycharoŭ ab srebnaj śfiery ŭ niebie nad Budapieštam (PDF), Vienhryja, 10 červienia 1947 hoda niedastatkova źviestak – u spravazdačy prosiać paviedamić ab źjaŭleńni dakumientalnych zdymkaŭ.
Dakumienty adnosiacca da prajekta «Siniaja kniha», što ździajśniaŭsia vajenna-pavietranymi siłami ZŠA z 1952 pa 1970 hod.
NŁA analizavalisia na pradmiet pahrozy nacyjanalnaj biaśpiecy. Paśla taho, jak było vyrašana, što ŭ NŁA ničoha anamalnaha niama, prajekt byŭ zhornuty.
Nivodny abjekt nie pradstaŭlaŭ pahrozy nacyjanalnaj biaśpiecy, nivodny abjekt nie byŭ stvorany z dapamohaj technałohij pa-za miežami tahačasnaj navuki, nivodny nie byŭ pryznany nieziamnym.
Entuzijasty pa ŭsim śviecie źbirajuć śviedčańni ab NŁA. Adsartavanyja pa hadach lepšyja zdymki možna prahladzieć, naprykład, tut. A źviazacca ź biełaruskimi daśledčykami NŁA, pałterhiejstu i inšych anamalnych źjaŭ možna tut.
Ciapier čytajuć
Minsk, Varšava, Vilnia — paraŭnoŭvajem, dzie praściej kupić kvateru čałavieku ź siaredniaj zarpłataj1
Kamientary