U Saudaŭskaj Aravii pamior karol Abdała Ben Abdel Aziz Al Saud, abviaściła dziaržaŭnaje telebačańnie krainy.
U zajavie, zroblenaj ranicaj u piatnicu, havorycca, što novym karalom Saudaŭskaj Aravii stanie jaho brat Sałman.
Niezadoŭha da aficyjnaha abviaščeńnia Saudaŭskaje telebačańnie spyniła rehularnyja pieradačy i pierajšło na čytańnie sur Karana, što zvyčajna aznačaje śmierć adnaho sa starejšych členaŭ karaleŭskaj siamji.
Karalu Abdału pieravaliła za 90 hadoŭ (z bolšaj dakładnaściu vyznačyć jaho ŭzrost nie ŭjaŭlałasia mahčymym). Apošnija niekalki tydniaŭ jon pravioŭ u balnicy z-za lohačnaj infiekcyi.
Karol uzyšoŭ na tron u 2005 hodzie, ale apošnija niekalki hadoŭ časta chvareŭ.
79-hadovy Sałman staŭ vykonvać bolšuju častku abaviazkaŭ manarcha ŭ čas chvaroby karala Abdały.
Novym naślednikam trona abvieščany kroŭny brat karala Abdały prync Mukryn. Jamu 69 hadoŭ.
Usie jany — syny zasnavalnika Karaleŭstva Saudaŭskaja Aravija, karala Abdel-Aziza, jakoha za miežami arabskich krain časta nazyvajuć Ibn Saudam. Jon pamior u 1953 hodzie.
Abdała byŭ 13-m z 37 synoŭ karala Abdel Aziza. Ličycca, što jon naradziŭsia 1 žniŭnia 1924 u Er-Ryjadzie, choć dakładnaja data jaho naradžeńnia nie viadomaja.
U samoj Saudaŭskaj Aravii jon ličyŭsia refarmataram, choć i nie radykalnym.
Pry jaho praŭleńni dazvalałasia ŭmieranaja krytyka ŭ presie. Jon taksama davaŭ zrazumieć, što chacieŭ by, kab bolš žančyn atrymlivali dazvoł pracavać.
Ličycca taksama, što jon niekalki asłabiŭ kantrol nad nasielnictvam z boku relihijnaj palicyi.
Karol Abdała, da prykładu, dazvoliŭ žančynam brać udzieł u vybarach u miascovyja kansultatyŭnyja rady.
Prezident ZŠA Barak Abama vykazaŭ svaje spačuvańni ad asoby amierykanskaha naroda.
«U jakaści lidara jon zaŭsiody byŭ ščyrym i mieŭ śmiełaść adstojvać svaje pierakanańni. Adnym z takich pierakanańniaŭ była jaho tryvałaja i haračaja viera ŭ važnaść amierykana-saudaŭskich adnosin u jakaści siły, jakaja zabiaśpiečvaje stabilnaść i biaśpieku na Blizkim Uschodzie i za jaho miežami», — havorycca ŭ zajavie amierykanskaha prezidenta.
Ciapier čytajuć
Ahientka Kardaš vykarystoŭvała seks, kab źbirać infarmacyju pra kalinoŭcaŭ i zavierbavać ukrainskaha kamandzira. A kurataru KDB pisała pra jaho: «Moj łoch»3535
Ahientka Kardaš vykarystoŭvała seks, kab źbirać infarmacyju pra kalinoŭcaŭ i zavierbavać ukrainskaha kamandzira. A kurataru KDB pisała pra jaho: «Moj łoch»35
U Vieniesuele budzie nie prosta vyzvaleńnie palitviaźniaŭ, a amnistyja, pryčym za ŭsie hady. A miascovuju «amierykanku» pieratvorać u hramadskuju prastoru1717
Kamientary