Ad 23 studzienia ŭ Krymie spynili pracu płaciožny servis PayPal i kantekstavaja rekłama Google AdSence. Raniej pracu na paŭvostravie spynili inšyja IT-kampanii. Čakajucca i novyja sankcyi.
Płaciožny servis PayPal prypyniŭ finansavyja pasłuhi dla krymčukoŭ, bo «robić usio mahčymaje, kab adpaviadać zakanadaŭstvu pa ŭsim śviecie». Servis abiacaje viarnuć hrošy na bankaŭskija rachunki albo inšymi sposabami, paviedamlajuć «Viedomosti».
Sietka kantekstavaj rekłamy Google AdSence hrošy nie viernie, bo «kampanii zabaroniena ździajśniać vypłaty budź-kamu ŭ Krymie, što ŭžo zaraz technična niemahčyma, bo mnohija mižnarodnyja banki pierastali ździajśniać płaciažy», piša TASS. Akaŭnty karystalnikaŭ z Kryma buduć zakrytyja.
Nastupnym servisam Google, jakoha pazbaviać krymčukoŭ, stanie katałoh prahram, filmaŭ, muzyki i knih Google Play. Zahruzka prahram, što ličycca ekspartam, stanie niemahčymaj dla krymčukoŭ z 1 lutaha. Biaspłatnyja servisy, kštałtu pošty, pošuku ci kartaŭ, praciahnuć pracu ŭ Krymie.
Raniej kampanija Apple adklučyła akaŭnty raspracoŭščykaŭ prahramnaha zabieśpiačeńnia z Kryma.
U suviazi z sankcyjami krymčuki zhubili i dostup da servisu dystrybucyi hulniaŭ Steam. Kampanija aficyjna nie abviaščała pra padtrymku sankcyj, ale ŭ paviedamleńni karystalnikam, što sprabujuć niešta nabyć u Steam, źjaŭlajecca tekst pra niemahčymaść pakupki praz handlovyja sankcyi ZŠA.
23‑hadovy repier z Astraŭca zahinuŭ za Rasiju na vajnie. Pavajavaŭ jon, vidać, kala miesiaca17
23‑hadovy repier z Astraŭca zahinuŭ za Rasiju na vajnie. Pavajavaŭ jon, vidać, kala miesiaca
«Uśviedamlaju, što mahu stać pieršaj biełaruskaj, jakaja naviedaje ŭsie krainy śvietu». Padarožnica ź Minska razmaŭlaje na 8 movach i maryć pražyć 200 hadoŭ88
Kamientary