U Čyhunačnym RAUSie Viciebsku dapytali namieśnika staršyni RHA «Perspektyva» Anatola Šapavałava. U Kastryčnicki RAUS byŭ dastaŭleny pradprymalnik Siarhiej Parsiukievič.
U Čyhunačnym RAUSie Viciebsku dapytali namieśnika staršyni RHA «Perspektyva» Anatola Šapavałava. Na jaho skłali pratakoł pra ŭdzieł u niesankcyjanavanaj akcyi u Miensku 10 studzienia. U Kastryčnicki RAUS dastaŭleny pradprymalnik Siarhiej Parsiukievič. Pavodle načalkika rajadździełu milicyi Andreja Prakapoviča, pradprymlnik zatrymany i budzie siońnia nočču dastaŭleny u Maskoŭski rajadździeł Miensku.
Siarhiej Parsiukievič jość siabram stvaranaha ruchu «Za Svabodu!». Kab padtrymać jaho, la Kastryčnickaha RAUS sabrałasia niekalki dziesiatkaŭ čałaviek — pradprymalnikaŭ i demakratyčnych aktyvistaŭ. Siabry sabrali hrošy, kab pieradać dla zatrymanaha ježu i leki, bo Siarhiej Parsiukievič chvareje na astmu. Taksama prysutnyja skłali kalektyŭnuju skarhu na dziejańni rabotnikaŭ milicyi, bo ličać zatrymańnie Parsiukieviča niezakonnym.
Zatrymanaha rańniej namieśnika staršyni RHA «Perspektyva» Anatola Šapavałava pakul adpuścili. Jon nie vyklučaje, što pad uvahu milicyjantaŭ bližejšymi dniami mohuć trapić inšyja ŭdzielniki pradprymalnickaj akcyi ź Viciebsku, jakich było 10 sudzienia ŭ Miensku nia mienš jak 30 čałaviek.
Ciapier čytajuć
Los syna prapahandysta sa «Sputnika», jaki pryjšoŭ da biełaruščyny padletkam, vyklikaŭ buru emocyj u jaho siabroŭ1
Los syna prapahandysta sa «Sputnika», jaki pryjšoŭ da biełaruščyny padletkam, vyklikaŭ buru emocyj u jaho siabroŭ
Topavy pierakładčyk pajechaŭ u Biełaruś mianiać pašpart — i sieŭ za danaty. «KDB pahladzieŭ na sumu i vyrašyŭ, što nichto ŭ zdarovym rozumie nie moža vydatkavać stolki ŭłasnych hrošaj»1414
Kamientary