U aŭtorak Rada biaśpieki pryniała palityčnaje rašeńnie: Biełaruskaja AES budzie zbudavanaja. Pakul niajasna, kim. Kali vybar budzie zrobleny nie na karyść Rasiei, krainu čakaje taksama palityčny i ekanamičny pavarot. Alaksandar Łukašenka: «Siońniašniaje rašeńnie maje histaryčny charaktar». Kivok u bok Zachadu: «Pavinien być vybrany varyjant z najmienšymi ryzykami». Kivok na Ŭschod: «Pytańnie pastavak jadziernaha paliva vostraje, popyt na ŭranavuju syravinu blizki da ažyjatažnaha».
U aŭtorak Rada biaśpieki pryniała palityčnaje rašeńnie: Biełaruskaja AES budzie zbudavanaja. Pakul niajasna, kim. Kali vybar budzie zrobleny nie na karyść Rasiei, našu krainu čakaje taksama palityčny i ekanamičny pavarot. Alaksandar Łukašenka: «Siońniašniaje rašeńnie maje histaryčny charaktar». Kivok u bok Zachadu: «Pavinien być vybrany varyjant z najmienšymi źviazanymi z hetym ryzykami. Kivok na Ŭschod: «Pytańnie pastavak jadziernaha paliva vostraje, popyt na ŭranavuju syravinu blizki da ažyjatažnaha».
U Biełarusi pry budaŭnictvie AES pavinien być vybrany varyjant z najmienšymi źviazanymi z hetym ryzykami. Ab hetym zajaviŭ siońnia Alaksandr Łukašenka na pasiadžeńni Rady biaśpieki Biełarusi pa pytańni raźvićcia atamnaj enierhietyki ŭ krainie.
«Naša zadača — vyjści na adzina pravilny varyjant, pry jakim Biełarusi ŭdasca źvieści da minimumu źviazanyja z hetym ryzyki, kab u poŭnaj miery vykarystać usie pieravahi ŭłasnaj AES», - adznačyŭ Alaksandr Łukašenka.
Siońnia ŭvieś śviet zaryjentavany na budaŭnictva AES u suviazi z ŭsploskam cen na vuhlevadarodnuju syravinu. Vakoł Biełarusi płanujecca pabudavać vialikuju kolkaść atamnych reaktaraŭ. «My pačynajem, pahladajučy z-za vuhła, razvažać ab nieabchodnaści budaŭnictva AES. Uvieś śviet vyznačyŭsia, a my razvažajem. A paśla budziem uzmocniena dahaniać. Ale ž heta budzie kaštavać u dva razy daražej», — ahitavaŭ A. Łukašenka napiaredadni pasiadžeńnia.
«Nastaŭ momant, kali nam nieabchodna jašče raz praanalizavać usie za i suprać, usie aśpiekty i pryniać pryncypovaje palityčnaje rašeńnie», — skazaŭ jon. Pavodle jaho słoŭ, heta rašeńnie maje histaryčny charaktar, pakolki ad jaho zaležyć ekanamičnaja, enierhietyčnaja i palityčnaja niezaležnaść budučych pakaleńniaŭ biełarusaŭ.
«Siońnia my zakładvajem asnovu funkcyjanavańnia biełaruskaj dziaržavy va ŭmovach, kali na Ziamli abvastrajecca hłabalnaja prablema vyčarpańnia zapasaŭ vuhlevadarodnaj syraviny. Ja dumaju, budučyja pakaleńni aceniać naša rašeńnie», — skazaŭ Alaksandr Łukašenka.
Kiraŭnik dziaržavy asabliva padkreśliŭ, što Biełaruś pačynaje budaŭnictva svajoj AES, raźvićcio svajho jadziernaha prajekta na fonie składanych i supiarečlivych tendencyj na suśvietnym atamnym enierhietyčnym rynku. «U suviazi z tym, što ŭsie kinulisia na budaŭnictva takich reaktaraŭ, a taksama deficyt i vysokaja cana vuhlevadarodnaj syraviny robiać prajekty pa raźvićciu ŭłasnaj atamnaj enierhietyki vielmi pryvabnymi, ale heta pryvodzić da ŭsplosku cany na jadziernaje paliva», — adznačyŭ kiraŭnik dziaržavy. Pytańnie pastavak jadziernaha paliva siońnia vostraje, i jaho treba prapracoŭvać, pakolki popyt na uranavuju syravinu ŭ śviecie blizki da ažyjatažnaha, dadaŭ jon.
Dyk Rasieja ci Francyja? A moža Japonija? Hety vybar robicca siońnia na pasiedžańni Rady biaśpieki, pryśviečanym budaŭnictvu Biełaruskaj AES. Kali vybar budzie zrobleny nie na karyść Rasiei, krainu čakaje taksama palityčny i ekanamičny pavarot.
Tym časam arabskija krainy taksama masava raspačynajuć prajekty asvajeńnia mirnaha atamu. Adpaviednyja damovy Paryž padpisaŭ z Alžyram i Livijaj. Na čarzie Maroka, Katar i Abjadnanyja Arabskija Emiraty. U stalicu AAE prezydent Sarkazi prybyŭ jakraz siońnia. Dva 1,6-mehavatnyja reaktary pad kluč z pastaŭkami paliva ŭklučna abyducca Abu-Dabi ŭ 8,87 miljarda dalaraŭ (6 młrd eŭra). Pieramovy raspačalisia taksama z Ehiptam, Jardanijaj i Tunisam.
Adkazu na toje, chto stanie padradčykam Biełaruskaj AES, pakul niama. Pa vynikach pasiedžańnia było abvieščana tolki, što Biełaruś choča abzavieścisia reaktaram treciaha pakaleńnia, analahičnym tym, jakija budujucca ciapier u Finlandyi, Baŭharyi, Japonii, Kitai, Iranie, Indyi i Francyi.
Kamientary