Paet Dźmitryj Strocaŭ zaklikaŭ ruskuju kulturu ŭ Biełarusi da śviadomaha «samaŭmaleńnia» dziela adradžeńnia biełaruskaści
«Kienozis — zadača ruskamoŭnych u Biełarusi».
U časy kali ŭ Rasii kvitnieje ruski šavinizm, rezkim kantrastam prahučaŭ hołas značnaha ruskamoŭnaha paeta ź Biełarusi Dźmitryja Strocava.
Na «Dniach ruskaj knihi i ruskamoŭnych litaratur u Paryžy» jon dvojčy paŭtaryŭ nastupnyja tezisy:
«Pieršaje, pra što siońnia treba kazać, — heta pra kienozis ruskaj movy ŭ Biełarusi, pra kienozis jak pra ŭśviadomlenuju zadaču, ab novaj madeli pavodzin, ab samaŭmaleńni ruskaha ŭ situacyi pamiežža, u situacyi sustrečy z druhoj moŭnaj stychijaj — biełaruskaj, — 51-hadovy Dźmitryj Strocaŭ pierakazaŭ źmiest svaich vystupaŭ u siabie ŭ fejsbuku. — Nieabchodna zabycca pra jakuju-kolviek baraćbu za ŭpłyŭ, ab spabornictvie, ab prajavach «miakkaj» siły.
A siła jość i voś jakaja: u dzievianosta vypadkach sa sta, kamunikacyja ź dziećmi i padletkami ŭ biełaruskich dziciačych sadkach i škołach viadziecca na ruskaj movie, va ŭsich vyšejšych navučalnych ustanovach vykładańnie viadziecca na ruskaj movie, amal u sta vypadkach televizijnaje i radyjoviaščańnie — na ruskaj, haziety i časopisy — amal usie na ruskaj, knihi ŭ kniharniach praktyčna ŭsie na ruskaj movie.
Niemahčyma paŭpłyvać na kamiersantaŭ, jakija zmahajucca za rynki, ale my, litaratary, pavinny ŭśviadomić svaju adkaznaść. Z našaha papuščalnictva, z-za našych kryŭdaŭ biełaruskaja mova moža raptam źniknuć u Biełarusi, jak užo adbyłosia ź idyš, jaki jašče ŭ siaredzinie minułaha stahodździa byŭ adnoj ź dziaržaŭnych moŭ u Savieckaj Biełarusi. Nieabchodna sastupalnaja kamunikacyja, uvažlivaja sustreča ź biełaruskaj słaviesnaściu, nieabchodna aktyŭna pierakładać biełaruskich aŭtaraŭ na ruskuju, prapahandavać biełaruskuju litaraturu, pryciahvać biełarusaŭ da ŭdziełu ŭ rasijskich prajektach ŭsiudy, dzie tolki možna.
I my pavinny dapamahčy tym rasiejskamoŭnym aŭtaram Biełarusi, jakija jašče nie zusim adarvalisia ad karanioŭ, pierajści z ruskaj na biełaruskuju. Heta hodna, heta pa-chryścijansku, heta — kienozis. Nielha sknarničać», — padsumoŭvaje Strocaŭ.
Dźmitryj Strocaŭ — paet-mietafizik, siabar Biełaruskaha PEN-Centra, i vydaviec (vydaviectva «Vinahrad»). Pravasłaŭny viernik, jon vydaje šmat nieprybytkovaj biełaruskamoŭnaj pravasłaŭnaj litaratury.
Kienozis — heta teałahičny termin, jaki aznačaje achviarnaje i prynižanaje sychodžańnie boha ŭ śviet, ź lubovi da ludziej, ad hreč. κένωσις — spustašeńnie.
Sam Strocaŭ maje rasiejskija karani. Pa prafiesii jon architektar, skončyŭ Biełaruski politechničny instytut. Jon tata Andreja Strocava.
Zaklik Strocava da śviadomaha samaŭmaleńnia ruskaj kultury ŭ Biełarusi, zaklik da ruskamoŭnych biełarusaŭ viartacca da movy svaich praščuraŭ — kaštoŭny maralny žest, redkasny na płaniecie, dzie čaściej adbyvajecca vajna kultur.
Ciapier čytajuć
«Heta ryzykoŭna dla Biełarusi». Zialenski zajaviŭ, što Rasija raźmiaščaje abstalavańnie dla naviadzieńnia šachiedaŭ na dachach biełaruskich šmatpaviarchovikaŭ1717
«Heta ryzykoŭna dla Biełarusi». Zialenski zajaviŭ, što Rasija raźmiaščaje abstalavańnie dla naviadzieńnia šachiedaŭ na dachach biełaruskich šmatpaviarchovikaŭ17
«Hienierał Biada vylecieŭ praz bakavoje škło «Čajki». Małaviadomaja avaryja 1976 hoda, u jakoj zahinuli druhi čałaviek u BSSR i bajavy lotčyk-hienierał33
Kamientary