Ministr adukacyi: Abjadnoŭvać školnyja i ŭstupnyja ekzamieny zaŭčasna
Abjadnoŭvać školnyja i ŭstupnyja ekzamieny ŭ VNU zaŭčasna, zajaviŭ ministr adukacyi Michaił Žuraŭkoŭ padčas anłajn-kanfierencyi na sajcie BiełTA 5 lutaha.
«Što da abjadnańnia školnych i ŭstupnych ekzamienaŭ, to mnie zdajecca, što hetaje pytańnie pakul zaŭčasnaje, tamu što ekzamieny ŭ škole pavinny prademanstravać uzrovień zasvojenych viedaŭ vučniaŭ pa ŭsich pradmietach za školnuju prahramu navučańnia. Pry pastupleńni ž abituryjent pavinien prademanstravać viedy pa peŭnych pradmietach, jakija nieabchodna viedać u hetaj VNU. Heta krychu roznyja zadačy», — skazaŭ jon.
Žuraŭkoŭ adznačyŭ, što ŭ Biełarusi nie ŭsie vypuskniki 11-ha kłasa starajucca pastupić u VNU. «Častka ź ich iduć u siarednija śpiecyjalnyja ŭstanovy, častka — vybirajuć pracu. Navošta ich mučyć padrychtoŭkaj da pastupleńnia? Mienavita tamu ŭ nas raźmiežavanyja ekzamieny za škołu, himnaziju ci ahulnaadukacyjny licej i ŭstupnyja ekzamieny. Bo centralizavanaje testavańnie — heta forma, jakaja dobraja mienavita dla ŭstupnych vyprabavańniaŭ», — skazaŭ jon.
«Abjadnać školnyja i ŭstupnyja ekzamieny, na pieršy pohlad, vielmi prosta, ale nasamreč heta składanaja zadača. Ale budziem dumać. Kali ludzi zadajuć pytańni — budziem analizavać», — dadaŭ jon.
Žuraŭkoŭ taksama ličyć niaprostym pytańnie kolkaści testaŭ CT — try ci piać. «Na siońnia možna skazać, što treba ŭsio ž i dziciaci, i baćkam hłybiej unikać u budučuju prafiesiju. Napeŭna, treba na bolš rańnim etapie vyznačacca z vybaram prafiesii. Choć nie vyklučaju, što, moža być, u dalejšym my da hetaha pytańnia vierniemsia i buduć niejkija zruchi ŭ kirunku źmianieńnia kolkaści testaŭ CT. U najbližejšuju kampaniju hetaha nie budzie. Ale budziem dumać, tamu što niama absalutna pravilnaj i daskanałaj sistemy. Treba zaŭsiody ŭdaskanalvacca i iści napierad», — skazaŭ jon.
Žuraŭkoŭ padkreśliŭ, što ab novych praviłach budzie abvieščana jak minimum za hod.
Ciapier čytajuć
Mabilnym apierataram zabaranili zahaniać biełarusaŭ u vialiki minus8
Mabilnym apierataram zabaranili zahaniać biełarusaŭ u vialiki minus
Viadomy partret Kahanca akazaŭsia savieckim fejkam, zatoje znajšłosia adzinaje fota archieołaha Tatura. Razhadanyja fotatajamnicy Biełaruskaha muzieja ŭ Vilni
Kamientary