U Minsku projdzie pieršy fiestyval kino pra ludziej nietradycyjnaj identyčnaści
Z 20 lutaha pa 1 sakavika projdzie fiestyval kvir-kino «Dotyk», jaki zakranie prablemy hamafobii, seksizmu, ksienafobii, temy identyčnaści i samavyražeńnia.
Adkryćcio fiestyvalu projdzie 20 lutaha a 19 hadzinie ŭ kulturnym centry Studio67 (Partyzanski pr-t, 2A, 2 pavierch). Uvachod volny.
Nadalej ciaham 9 dzion buduć pakazanyja 15 dakumientalnych i ihravych filmaŭ na pravaabarončuju, sacyjalnuju i kulturnuju tematyku. Supolna z prajektam Cinemascope projdzie pakaz filmaŭ «Michael» T. Drejera, «Dziaŭčyna va ŭniformie» Ł. Sahan, «Arfiej» Ž. Kakto, «Achviara» B. Dyrdena, «Horkija ślozy Pietry fon Kant» R.-V. Faśbindera i inšych stužak u kinateatry «Rakieta».
Nie mieniej cikavyja dakumientalnyja filmy arhanizatary abiacajuć pakazać u Halerei «Ŭ» i Studio67.
Akramia kinapakazaŭ projduć sustrečy z režysiorami i arhanizatarami mižnarodnych fiestyvalaŭ nažyvuju i anłajn, adukacyjnyja lekcyi, pierformansy i vystupy hurtoŭ «Kasijapieja», «EVM» (Biełaruś) dy «Ludśka Podoba» (Ukrajina), a taksama vystava «Bolš, čym JON».
Padrabiaznaści i raskład mierapryjemstvaŭ možna pahladzieć na sajcie dotyk.by.
***
«Dotyk» stanie priešym u Biełarusi kvir-kinafiestyvalem. Kvir (ad anhł. queer — inšy) aznačaje lubyja nie adpaviednyja tradycyjnaj madeli pavodziny i identyčnaści. Kvir-identyčnaść dazvalaje adnačasova zrabić palityčnuju zajavu suprać hieteranarmatyŭnaści i razam z tym admovicca ad tradycyjnaj palityki kateharyzacyi identyčnaściaŭ.
Ciapier čytajuć
Minharvykankam pra vuličnaje aśviatleńnie: Heta była razavaja akcyja. Siońnia ŭklučać a 18-j12
Minharvykankam pra vuličnaje aśviatleńnie: Heta była razavaja akcyja. Siońnia ŭklučać a 18-j
Ahientka Kardaš vykarystoŭvała seks, kab źbirać infarmacyju pra kalinoŭcaŭ i zavierbavać ukrainskaha kamandzira. A kurataru KDB pisała pra jaho: «Moj łoch»3535
Kamientary