Minskaja mižnarodnaja knižnaja vystava-kirmaš z 11 pa 15 lutaha projdzie ŭ paviljonie «BiełEkspa». Ale vydaŭca, ab jakim ciapier najbolš havorać u Biełarusi, tam nie budzie.
Čutki ab tym, što Litaraturny dom «ŁohvinaŬ» nie budzie reprezientavany na kirmašy, kudy źjeducca vydaviectvy 28 krain śvietu, paćvierdziŭ «Našaj Nivie» zasnavalnik Litaraturnaha doma Ihar Łohvinaŭ.
Pavodle jaho słoŭ, vydaviectvu nie dazvolili navat zapoŭnić zajaŭku na ŭdzieł kirmašy.
«Tam arhanizacyjaj zajmajecca TAA «Makbieł», my da dyrektara źviarnulisia — jon skazaŭ, što nie pradstavić nam płoščy, bo jość zahad Ministerstva infarmacyi nas nie puskać na knižny kirmaš», — raspaviadaje Łohvinaŭ.
Viarchoŭny sud 10 lutaha pakinuŭ ŭ sile rašeńnie pra spahnańnie štrafu z Łohvinava ŭ pamiery 5,4 młn rubloŭ, a taksama kanfiskacyi dachodaŭ jaho pradpryjemstva za 2014 hod u pamiery 961 młn rubloŭ. Kniharnia pracavała bieź licenzii Ministerstva infarmacyi (pa jaje źviartalisia šeść razoŭ, ale stolki ž i admaŭlali pa roznych pryčynach).
Niahledziačy na toje, vydaviectva nie straciła jurydyčnaha prava brać udzieł u knižnych kirmašach. Ciapier kniharnia praciahvaje pracu, jana zarehistravanaja na novuju jurydyčnuju asobu i atrymała licenziju ministerstva.
U bližejšy čas «ŁohvinaŬ» voźmie ŭdzieł u knižnych kirmašach u Vilni z 19 lutaha, zatym u Lajpcyhu 14 sakavika.
«A ŭ Minsku niejak nie žyviom», — narakaje Łohvinaŭ.
* * *
Kab dapamahčy Łohvinavu vypłacić dziaržavie bolš za 63 tysiačy dalaraŭ, viadziecca zbor achviaravańniaŭ. Na momant publikacyi sabrana 16 tysiač. Achviaravać hrošy možna ŭ dalarach i jeŭra praź internet-bankinh albo PayPal ci ŭ biełaruskich rublachu ruki pradaŭcu ŭ kniharni ((Minsk, pr-t Niezaležnaści, 37a).
Na Šry-Łancy ŭ 37 hadoŭ pamior biełaruski kinapradziusar Andrej Matałyha3
Kamientary