Jon pražyŭ roŭna stolki, kolki kletak na šachmatnaj došcy, ni hodam bolš. Robert Fišar taksama viadomy svajoj ekstravahantnaściu. Syn habrejki i niemca jon rabiŭ antysemickija zajavy i nia moh schavać radaści z nahody teraktu 11 vieraśnia 2001 h.
Fišar atrymaŭ hramadzianstva Iślandyi ŭ 2005 h., paśla taho, jak źjechaŭ ź Japonii.
U Japonii jon pravioŭ vosiem miesiacaŭ u turmie, adnak zatym Tokijo dazvoliŭ jamu vyjechać z krainy, niahledziačy na zapyt ab ekstradycyi, padadzieny Złučanymi Štatami.
ZŠA patrabavali jahonaj vydačy, zajaŭlajučy, što Fišar parušyŭ mižnarodnyja sankcyi, kali pahadziŭsia zhulać matč u Juhasłavii ŭ 1992 h.
Čempijon u 13 hadoŭ
Robert Fišar naradziŭsia 9 sakavika 1943 h. u Čykaha. Za šachmatnuju došku jon sieŭ u šeść hadoŭ. A ŭžo ŭ 13 hadoŭ pieramoh na junackim čempijanacie ZŠA pa šachmatach, staŭšy samym maładym čempijonam krainy pa hetym vidzie sportu.
U 1960 h. u Arhientynie jon upieršyniu prajhraŭ uzychodziačaj zorcy z SSSR Barys Spaskamu. A ŭ 1972 h. Fišar advajavaŭ u Spaskaha tytuł čempijona śvietu pa šachmatach. Jon adziny amerykaniec pa pachodžańni, zavajavaŭšy hety tytuł. Fišar byŭ adzinaccatym čempijonam śvietu.
Fišar zastavaŭsia čempijonam śvietu pa 1975 h., kali jon pačaŭ praces ź FIDE ŭ suviazi ź jaje praviłami. U vyniku FIDE pahadziłasia z 63 z 64 patrabavańniami hrosmajstra. Adnak jon nie zadavoliŭsia i admoviŭsia ad matču, a čempijonam śvietu byŭ abvieščany Anatol Karpaŭ.
Paśla hetaha Fišar nie ŭdzielničaŭ u aficyjnych spabornictvach. U 1992 h. jon pryniaŭ prapanovu zhulać matč‑revanš sa Spaskim u Juhasłavii. Amerykaniec atrymaŭ pieramohu, jakaja doraha jamu kaštavała.
Ułady ZŠA źvinavacili jaho ŭ parušeńni abvieščanaha ZŠAbajkotu Juhasłavii. U vyniku Fišar tak i nie viarnuŭsia na radzimu.
Habrej pavodle pachodžańnia Robert Fišar niaredka rabiŭ antysemickija zajavy. U 1999 h. jon skazaŭ, što Ameryka całkam kantralujecca habrejami.
Paśla padziej 11 vieraśnia 2001 h. Fišar nia moh schavać svajoj radaści ŭ interviju filipinskamu radyjo: «Heta cudoŭna. Pryjšoŭ čas raz i nazaŭsiody pakončyć z Amerykaj».
Palitviaźniaŭ pa ŭsioj krainie apytvajuć: paśla pamiłavańnia vy chočacie zastacca ŭ Biełarusi ci źjazdžać?9
Palitviaźniaŭ pa ŭsioj krainie apytvajuć: paśla pamiłavańnia vy chočacie zastacca ŭ Biełarusi ci źjazdžać?
Ahientka Kardaš vykarystoŭvała seks, kab źbirać infarmacyju pra kalinoŭcaŭ i zavierbavać ukrainskaha kamandzira. A kurataru KDB pisała pra jaho: «Moj łoch»3535
Kamientary