Ён пражыў роўна столькі, колькі клетак на шахматнай дошцы, ні годам больш. Робэрт Фішар таксама вядомы сваёй экстравагантнасьцю. Сын габрэйкі і немца ён рабіў антысэміцкія заявы і ня мог схаваць радасьці з нагоды тэракту 11 верасьня 2001 г.
Фішар атрымаў грамадзянства Ісьляндыі ў 2005 г., пасьля таго, як зьехаў зь Японіі.
У Японіі ён правёў восем месяцаў у турме, аднак затым Токіё дазволіў яму выехаць з краіны, нягледзячы на запыт аб экстрадыцыі, пададзены Злучанымі Штатамі.
ЗША патрабавалі ягонай выдачы, заяўляючы, што Фішар парушыў міжнародныя санкцыі, калі пагадзіўся згуляць матч у Югаславіі ў 1992 г.
Чэмпіён у 13 гадоў
Робэрт Фішар нарадзіўся 9 сакавіка 1943 г. у Чыкага. За шахматную дошку ён сеў у шэсьць гадоў. А ўжо ў 13 гадоў перамог на юнацкім чэмпіянаце ЗША па шахматах, стаўшы самым маладым чэмпіёнам краіны па гэтым відзе спорту.
У 1960 г. у Аргентыне ён упершыню прайграў узыходзячай зорцы з СССР Барыс Спаскаму. А ў 1972 г. Фішар адваяваў у Спаскага тытул чэмпіёна сьвету па шахматах. Ён адзіны амэрыканец па паходжаньні, заваяваўшы гэты тытул. Фішар быў адзінаццатым чэмпіёнам сьвету.
Фішар заставаўся чэмпіёнам сьвету па 1975 г., калі ён пачаў працэс з ФІДЭ ў сувязі зь яе правіламі. У выніку ФІДЭ пагадзілася з 63 з 64 патрабаваньнямі гросмайстра. Аднак ён не задаволіўся і адмовіўся ад матчу, а чэмпіёнам сьвету быў абвешчаны Анатоль Карпаў.
Пасьля гэтага Фішар не ўдзельнічаў у афіцыйных спаборніцтвах. У 1992 г. ён прыняў прапанову згуляць матч‑рэванш са Спаскім у Югаславіі. Амэрыканец атрымаў перамогу, якая дорага яму каштавала.
Улады ЗША зьвінавацілі яго ў парушэньні абвешчанага ЗШАбайкоту Югаславіі. У выніку Фішар так і не вярнуўся на радзіму.
Габрэй паводле паходжаньня Робэрт Фішар нярэдка рабіў антысэміцкія заявы. У 1999 г. ён сказаў, што Амэрыка цалкам кантралюецца габрэямі.
Пасьля падзей 11 верасьня 2001 г. Фішар ня мог схаваць сваёй радасьці ў інтэрвію філіпінскаму радыё: «Гэта цудоўна. Прыйшоў час раз і назаўсёды пакончыць з Амэрыкай».
Азаронак напісаў пра палітэмігранта — пасля гэтага брата і бацьку таго кінулі за краты2
Каментары