Hałoŭny redaktar niedziaržaŭnaha vydańnia «Hazieta Słonimskaja» Viktar Vaładaščuk daŭ tłumačeńni ŭ mižrajonnaj prakuratury z faktu niekalkich publikacyjaŭ.
Pretenzii da redaktara tyčacca letašnich publikacyjaŭ. U pryvatnaści, niekalki materyjałaŭ z zali sudu byli apublikavanyja raniej, čym rašeńnie sudu ŭvajšło ŭ zakonnuju siłu.
Jašče niekalki pretenzijaŭ źviazanyja z tym, što ŭ hazecie było apublikavana interviju z pradstaŭnicaj adździaleńnia Sajuzu palakaŭ u Słonimie i zhadvalisia nazvy palityčnych partyjaŭ i ruchaŭ, nibyta nie zarehistravanych na terytoryi Biełarusi.
Viktar Vaładaščuk usie pretenzii nazyvaje nadumanymi.
Śledčy adznačyŭ, što kopija lista abłasnoha ŭpraŭleńnia justycyi była nakiravanaja ŭ Ministerstva infarmacyi RB.
Redaktar «Haziety Słonimskaj» bačyć u hetym pahrozu dla redakcyi, pakolki, ź jahonych słovaŭ, tak niekalki hadoŭ tamu pačynali zakryvać niedziaržaŭnuju hazetu ŭ Smarhoni.
Na praciahu apošnich dvuch hadoŭ «Haziecie Słonimskaj» nie dazvalajuć karystacca pasłuhami padpiski praź «Biełpoštu», raspaŭsiudžvacca praź «Biełsajuzdruk» i drukavacca ŭ miascovaj drukarni.
«Hazieta Słonimskaja» — apošniaje niezaležnaje vydańnie ŭ Haradzienskaj vobłaści.
Kamientary