Niemcy pakinuli armiju RF biez hi-tech-načynki dla najnoŭšaha palihona
Minabarony RF padaje ŭ sud na niamieckuju kampaniju Rheinmetall za admovu vykanać kantrakt na pastaŭku łaziernych trenažoraŭ dla stralby, paviedamiŭ pieršy namieśnik kiraŭnika rasijskaj vajennaj ustanovy Arkadź Bachin.
Niamiecki hihant abaronnaha siektara atrymaŭ kantrakt na stvareńnie samaha sučasnaha na terytoryi eks-SSSR vajskovaha palihona ŭ Mulina ŭ 2011 hodzie. Płanavałasia, što palihon koštam u 100 młn jeŭra budzie hatovy ŭ 2014 hodzie, i kožny hod na im možna budzie padrychtoŭvać 30 000 žaŭnieraŭ i aficeraŭ.
Mulinskaja placoŭka znachodzicca na terytoryi Zachodniaj vajskovaj akruhi RF, u Nižaharodskaj vobłaści.
Niamieckija kampjutarnyja technałohii i biaśpiečnyja dla vačej łaziernyja trenažory dla stralby z usich uzoraŭ zbroi musili stać hałoŭnym składnikam padrychtoŭki vajskoŭcaŭ. Na terytoryi ŭ 500 kv. km stvaralisia ŭmovy, kab padčas dvuchbakovych vučeńniaŭ udzielničali 2 uzmocnienyja bryhady. Pry hetym kožny žaŭnier i uzor techniki atrymlivaŭ by łaziernyja datčyki i minijaciurnyja srodki biespravadnoj pieradačy dadzienych, jakija b dazvalali kantralavać u realnym časie dziejańni kožnaha ŭdzielnika vučeńniaŭ.
Rheinmetall spyniŭ udzieł u budaŭnictvie palihona letam 2014 hoda, kali byli ŭviedzienyja sankcyi suprać šerahu rasijskich kampanij.
Niamiecki kancern pačaŭ dziejnaść u 1889 hodzie i zabiaśpiečvaŭ niamieckuju armiju padčas 1 i 2 suśvietnych vojnaŭ artyleryjaj i kulamiotami.
Ciapier rasijskija vajennyja kažuć, što pastaŭščykoŭ łaziernaj techniki dla palihona buduć šukać siarod kampanij RF. Adnak pra najaŭnaść anałahičnych intehravanych sistem trenažoraŭ u Rasii dadzienych niama.
Ciapier čytajuć
26‑hadovy Andrej pajechaŭ u Rasiju ŭ marski fłot. Ale trapiŭ na vajnu i zahinuŭ — maci kaža, spakusiŭsia vialikimi hrašyma3
26‑hadovy Andrej pajechaŭ u Rasiju ŭ marski fłot. Ale trapiŭ na vajnu i zahinuŭ — maci kaža, spakusiŭsia vialikimi hrašyma
«Pa-biełarusku «Słana» Filipienki nabyvali bolš achvotna, čym pa-rusku». Jakija knihi siońnia ŭ topie? Intervju z kiraŭnicaj vydaviectva Gutenberg Publisher55
«Pa-biełarusku «Słana» Filipienki nabyvali bolš achvotna, čym pa-rusku». Jakija knihi siońnia ŭ topie? Intervju z kiraŭnicaj vydaviectva Gutenberg Publisher5
«Heta ryzykoŭna dla Biełarusi». Zialenski zajaviŭ, što Rasija raźmiaščaje abstalavańnie dla naviadzieńnia šachiedaŭ na dachach biełaruskich šmatpaviarchovikaŭ2323
Kamientary