Minimum brani, maksimum chutkaści: armija ZŠA zacikaviłasia ultralohkaj bajavoj technikaj 

Paśla kanfliktaŭ u Iraku i Afhanistanie, kali minnaja vajna ź isłamistami prymušała amierykanskich žaŭnieraŭ vykarystoŭvać dobra braniravanyja ciažkija bajavyja mašyny, pradstaŭniki Suchaputnych sił ZŠA zacikavilisia lohkaj i ultralohkaj technikaj, jakaja moža ŭ ličanyja hadziny być pierakinutaja na luby kantynient i ŭ lubuju miascovaść dla praviadzieńnia ahresiŭnych bajavych apieracyj, piša sajt defensenews.com.

Pavialičyć

Čakajecca, što takija lohkija mašyny, jakija zručna pierakidvać navat na viertalotach, buduć vykarystoŭvacca dla Hłabalnych sił reahavańnia (GRF). Śpiecyjalisty ŭ hałoŭnym centry padrychtoŭki amierykanskaj piachoty ŭ Fort-Beninh ličać, što heta taksama dapamoža atakavać dobra prykrytyja supraćpavietranaj abaronaj kropki praz desantavańnie z technikaj u mienš abaronienych SPA rajonach. Paśla desantniki na svajoj chutkaj naziemnaj technicy zmohuć chutka nablizicca da celi apieracyi i źniščyć jaje.

«My viedajem, što nam patrebnaja mabilnaja abaronienaja płatforma siaredniaj vahi, jakaja b dazvalała siłam pieršaj chvali zachapić i vykarystać inicyjatyvu», — skazaŭ žurnalistam hienierał Denieł Alin, namieśnik štaba Suchaputnych sił ZŠA. Amierykanskija tanki i BMP dla desantavańnia patrabujuć najaŭnaści bujnoha aeraporta, a ŭ budučyni ZŠA musiać atrymać nie takuju ciažkuju, ale bolš mabilnuju techniku, dadaŭ jon.

Takim čynam, suchaputnyja vojski atrymajuć mahčymaść atakavać bolš chutka i rašuča, nie hublajučy toj čas, jaki ciapier patrabujecca avijacyi, kab spačatku źniščyć SPA praciŭnika.

Ciapier ekśpierty pa raspracoŭcy novych taktyčnych mietadaŭ u Fort-Beninh sfarmulavali patrabavańni dla 2 patrebnych im uzoraŭ lohkaj techniki:

— ultralohkaja bajavaja mašyna (ULCV) vahaj kala 1500kh, jakaja moža źmiaščać piachotnaje adździaleńnie sa zbrojaj i ryštunkam i prachodzić da 550 km na adnym baku paliva. Jana musić taksama transpartavacca viertalotami CH-47 Chinook i UH-60 Blackhawk i mieć mahčymaść parašutnaha desantavańnia z transpartnych samalotaŭ C-130 Hercules i C-17 Globemaster.

— lohkaja vyviednaja mašyna (LRV) dla 6 vyviednikaŭ-dyviersantaŭ, braniravanaja ad strałkovaj zbroi siarednich kalibraŭ i askiepkaŭ 152 mm snaradaŭ. Taksama musić transpartavacca na viertalocie CH-47 Chinook.

Płanujecca, što padobnaj techniki musić być dastatkova dla ŭzbrajeńnia avijadesantnaj bryhady dla Hłabalnych sił reahavańnia. Vykarystańnie takich mašyn budzie abmiežavana pieršym etapam aperacyi, kali raptoŭnaść ataki zrobić małavierahodnaj sustreču ź minami ci ciažkim uzbrajeńniem praciŭnika. Da taho ž mabilnaja technika daść mahčymaść ruchacca ŭ miaścinach z takim łandšaftam, dzie mała chto budzie čakać ataki.

• 0
• 0
• 0
• 0
• 0
• 0
• 0
• 0