Bajeviki t.zv. «Łuhanskaj narodnaj respubliki» ŭčynili sapraŭdny ŭzbrojeny bunt suprać svajho kiraŭnika Ihara Płatnickaha.
Heta adbyłosia paśla taho, jak šarahovyja terarysty vykryli toj fakt, što Płatnicki raskradvaŭ rasijskuju humanitarnuju dapamohu i prysvojvaŭ tavary z razrabavanych supiermarkietaŭ, pieradaje ŭkrainski resurs «Infarmacyjny supraciŭ».
U pryvatnaści, suprać «ŭładaŭ ŁNR» paŭstali bajeviki tak zvanaha bataljona «Adesa». Jany zmahli ŭzłamać skład Płatnickaha, na jakim zachoŭvajecca humanitarnaja dapamoha i inšyja tavary, vykradzienyja ŭ łuhanskich supiermarkietach. «Pieratrus» praviali pa ŭsich praviłach: z vopisam znojdzienaj majomaści, videafiksacyjaj i navat zaprašeńniem paniatych. U pracesie ahladu ŭ pamiaškańni, jakoje naležyć Płatnickamu, bajeviki «Adesy» znajšli paddony z cukram i mukoj, bolšaść ź jakich raniej pastupali ŭ «ŁNR» u rasijskich humanitarnych kanvojach, a taksama prosta fantastyčnuju kolkaść roznaha ałkaholu, u tym liku i zaviezienaha z akupavanaha Kryma.
Zrešty, na dumku bajevikoŭ, nie ŭsie tavary, znojdzienyja na padkantrolnym Płatnickamu składzie pryviezienyja z Rasii. Častka ź ich maje ŭkrainskaje pachodžańnie i skradzienaja z razrabavanych kramaŭ u samym Łuhansku i vakolicach. U dalejšym hetyja tavary razam z rasijskaj humanitarkaj nieadnarazova źjaŭlalisia ŭ prodažy ŭ sietcy mahazinaŭ «Narodny», padkantrolnaj uładam «ŁNR». Usia vyručka ad ich prodažu nasielnictvu išła ŭ kišeniu kiraŭnikoŭ hetaj terarystyčnaj arhanizacyi.
Kamientary