Finansavaja milicyja vykryła kiraŭnictva słonimskaj kampanii va ŭtojvańni bankructva, paviedamili ŭ pres-słužbie Kamiteta dziaržaŭnaha kantrolu.
Kab utaić ekanamičnuju niepłaciežazdolnaść i nie stracić krynicu asabistaha abahačeńnia, kiraŭnictva firmy amal u siem razoŭ zaniziła sumu daŭhoŭ.
«27-hadovaja dyrektar tavarystva z abmiežavanaj adkaznaściu, jakoje śpiecyjalizavałasia na prodažy praduktaŭ charčavańnia, nie zdoleŭšy raźličycca z pastaŭščykami, vyrašyła nie źviartacca z adpaviednaj zajavaj ab pryznańni tavarystva bankrutam. Tym samym jana «pahłyblała» niepłaciežazdolnaść tavarystva, adnak praciahvała zapeŭnivać u chutkim pahašeńni daŭhoŭ svaich šmatlikich kredytoraŭ», — havorycca ŭ paviedamleńni pres-słužby KDK.
U 2014 hodzie adzin ź ich padaŭ u ekanamičny sud zajavu ab pryznańni tavarystva bankrutam. Sud pryznačyŭ časovaha kiraŭnika, jaki i pavinien byŭ vyśvietlić realny stan pradpryjemstva i mahčymaść pahašeńnia daŭhoŭ.
«U vypadku jaŭnaj niepłaciežazdolnaści pradpryjemstva da antykryzisnaha kiraŭnika pavinny byli pierajści ŭsie funkcyi pa mieniedžmiencie tavarystva, a ŭbaku akazalisia b jaho raniejšyja haspadary. Takaja pierśpiektyva ich nie zadavalniała. Tamu dyrektar i tavaravied tavarystva ŭ buchhałtarskich dakumientach dla časovaha kiraŭnika ŭkazali zanižanuju ŭ razy sumu daŭhoŭ. Zamiest 1 młrd rubloŭ pakazali kala 150 młn rubloŭ kredytorskaj zapazyčanaści. Heta było zroblena dla taho, kab utaić ekanamičnuju niepłaciežazdolnaść i nie stracić mahčymaść asabistaha abahačeńnia za košt novych pastaŭščykoŭ. Časovy kiraŭnik ubačyŭ niepraŭdzivaść dakumientaŭ, u dačynieńni da pradpryjemstva pačałasia pracedura bankructva», — paviedamili ŭ KDK.
Finansavaja milicyja dała pracesualnuju acenku dziejańniam słužbovych asob tavarystva, u dziejańniach jakich pa ŭtojvańni ekanamičnaj niepłaciežazdolnaści bačycca skład złačynstva, jaki ŭtrymlivajeca ŭ art. 239 KK (utojvańnie bankructva). Sankcyi pa hetym artykule praduhledžvajuć pakarańnie ŭ vyhladzie pazbaŭleńnia voli na termin da troch hadoŭ.
Ciapier čytajuć
Jak vyhladaje stylovy dom novaj rektarki Akademii mastactvaŭ koštam paŭmiljona dalaraŭ18
Jak vyhladaje stylovy dom novaj rektarki Akademii mastactvaŭ koštam paŭmiljona dalaraŭ
Pahražaŭ vajskoŭcam raskryć, chto ź ich homaseksuał, kab vypytać sakrety i pradać Ukrainie. Voś za što adyjozny funkcyjanier BRSM atrymaŭ 17 hadoŭ kałonii1212
Kamientary