«Premjer-ministr» Kryma Siarhiej Aksionaŭ skazaŭ u intervju Bi-bi-si, što paŭvostraŭ, hod tamu anieksavany Rasijaj, nikoli ŭžo nie budzie častkaj Ukrainy. Uvachodžańnie Kryma ŭ skład Rasii Aksionaŭ nazvaŭ uźjadnańniem z histaryčnaj radzimaj.
Rasijski prezident Uładzimir Pucin napiaredadni hadaviny dałučeńnia Kryma pryznaŭ, što anieksija paŭvostrava supravadžałasia vajskovaj apieracyjaj, nakiravanaj nibyta na abaronu terytoryi ad mahčymaha vajskovaha zachopu.
Karespandent Bi-bi-si Džon Simpsan sustreŭsia z «premjer-ministram» Kryma Siarhiejem Aksionavym i pacikaviŭsia tym, jak novyja ŭłady bačać budučyniu paŭvostrava.
Bi-bi-si: Ci budzie Krym kali-niebudź znoŭ častkaj Ukrainy?
Siarhiej Aksionaŭ: Krym nikoli va Ukrainu nie vierniecca, heta biezalternatyŭnaja situacyja. Rašeńnie pryniata kančatkova i nazaŭsiody. Heta kaniec. Krym viarnuŭsia na histaryčnuju radzimu, nam adsiul užo nikudy nie chočacca viartacca.
Nahadajem, što 30 śniežnia premjer Ukrainy Arsienij Jacaniuk, adkazvajučy na pytańnie žurnalistaŭ, jak Ukrainie ŭ bližejšaj pierśpiektyvie viarnuć Krym, skazaŭ, što adkazu ciapier niama.
«Chutkaha hieapalityčnaha adkazu, jak viarnuć Krym, ciapier niama. Ale jaho anieksija nikim nie pryznanaja, — zajaviŭ jon. — Kali Haspodź Boh nam dapamoža, jašče pry nas usich my vierniem kantrol nad Krymam. Kali nie, dyk heta zrobiać našy dzieci abo ŭnuki».
-
Fica: Słavakija prypynić pastaŭki elektraenierhii va Ukrainu, kali Kijeŭ budzie pieraškadžać pastaŭkam nafty praz «Družbu»
-
Druhakłaśnik u Hiermanii padaŭ zajaŭku na vakansiju inśpiektara dziciačych placovak. I jaho amal uziali!
-
Ministr zamiežnych spraŭ Vienhryi nazvaŭ umovu, pry jakoj kraina padtrymaje vydaču Ukrainie 90 młrd jeŭra
Ciapier čytajuć
U Minsku adbylisia masavyja zatrymańni vydaŭcoŭ i kniharaspaŭsiudnikaŭ8
Kamientary