Praz 10 hadoŭ Łukašenka siońnia znoŭ sustreniecca z pradprymalnikami
Paśla 10-hadovaha pierapynku Alaksandr Łukašenka vyrašyŭ znoŭ sustrecca z pradprymalnikami. Mierapryjemstva zapłanavana na siońnia, 17 sakavika, u handlova-zabaŭlalnym centry «Ekspabieł». Hetuju infarmacyju finance.tut.by aficyjna paćvierdzili ŭ pres-słužbie prezidenta.
U minuły raz kiraŭnik dziaržavy asabista hutaryŭ z pradprymalnikami ŭ sakaviku 2005 hoda. Tady vyjšła instrukcyja Ministerstva pa padatkach i zborach, jakaja zahadvała IP, jakija pracujuć pa adzinym padatku, płacić PDV pry ŭvozie tavaraŭ z Rasii. Ipešniki skardzilisia, što pracavać pa novych praviłach nie zmohuć.
Sustreča Alaksandra Łukašenki z pradprymalnikami 10 sakavika 2005 hoda dapamahła vyrašyć prablemu: dla pradprymalnikaŭ uviali fiksavany PDV, pazbaviŭšy ad afarmleńnia mnostva dakumientaŭ
Siońnia narmalnaj pracy IP pahražajuć normy techrehłamientu Mytnaha sajuza i 222-y ŭkaz prezidenta. Dakumienty abaviazvajuć pradprymalnikaŭ mieć siertyfikaty jakaści na svoj tavar. Ale, pa słovach ipešnikaŭ, aformić ich praktyčna niemahčyma. Heta i pavinna stać asnoŭnaj temaj majučaj adbycca razmovy.
Ułady byccam by pajšli nasustrač pradprymalnikam i dazvolili pracavać biez dakumientaŭ. Ale pakul tolki na słovach. Na minułym tydni ŭ internecie źjaviŭsia prajekt ukaza, jaki pavinien usio ŭzakonić. Dla tych, chto źbirajecca handlavać adzieńniem bieź siertyfikataŭ, prapanujecca pavialičyć padatkovuju nahruzku ŭ paŭtara raza.
Pradprymalniki raźličvajuć, što dakumient budzie padpisany paśla sustrečy z prezidentam.
Ciapier čytajuć
«Źviažyciesia z nami»: Prakopjeŭ napisaŭ kałonku dla «NN», u jakoj abhruntoŭvaje znachodžańnie Cichanoŭskaha ŭ Štatach i prosić hrošaj11
«Źviažyciesia z nami»: Prakopjeŭ napisaŭ kałonku dla «NN», u jakoj abhruntoŭvaje znachodžańnie Cichanoŭskaha ŭ Štatach i prosić hrošaj
Halina Dzierbyš kazała prakuroru: «Jak pamru, budu da ŭsich vas nočču prychodzić». I žyćcio ŭžo dahnała jaje sudździu i śviedak. Historyja piensijanierki, jakoj dali 20 hadoŭ kałonii1515
Kamientary