30 sakavika byŭ abvieščany łonh-list Premii imia Ježy Hiedrojca za 2015 hod, paviedamlaje sajt premii. U łonh-list trapili 12 knih (pa ałfavicie).
1. Siarhiej Abłamiejka. Nastalhija. — Minsk: «Halijafy»
2. Taćciana Barysik. Žančyna i leapard. — Minsk: «Knihazbor»
3. Alhierd Bacharevič. Dzieci Alindarki. — Minsk: «Halijafy»
4. Anton Francišak Bryl. Jan Jałmužna. — Minsk: «Knihazbor»
5. Vital Voranaŭ. Šeptam. — Biełastok: «Wschodzący Białystok»
6. Andrej Hucaŭ. Kniha zdaniaŭ. — Minsk: «Knihazbor»
7. Siarhiej Dubaviec. Sini karabiel u błakitnym mory płyvie. — Minsk: «Kaŭčeh»
8. Viktar Kaźko. Čas źbirać kości. — Minsk: «Knihazbor»
9. Viktar Marcinovič. Mova. — Minsk: «Knihazbor»
10. Pistončyk. Dehienieratyŭny słoŭnik. — Ciarnopal: «Krok»
11. Ludmiła Rubleŭskaja. Avantury studyjozusa Vyrviča. Avantury drahuna Pranciša Vyrviča. — Minsk: Vydaviecki dom «Źviazda»
12. Jury Stankievič. Bramnik zaŭždy samotny. — Minsk: «Halijafy».
Zhodna z pałažeńniem premii, zaraz da 15 krasavika žury (Uładzimir Arłoŭ, Ihar Babkoŭ, Małhažata Buchalik, Adam Hłobus, Hanna Kiślicyna, Andrej Fiedarenka, Cichan Čarniakievič, Hanna Jankuta) pavinny vyznačyć 6 knih-finalistaŭ, a łaŭreaty premii buduć abvieščanyja da kanca maja.
Arhanizatarami konkursu źjaŭlajucca Biełaruski PEN-centr, Sajuz biełaruskich piśmieńnikaŭ, Pasolstva Respubliki Polšča ŭ Respublicy Biełaruś, Polski Instytut u Minsku; fundatar uznaharody — «Ideja Bank».
Premija prysudžajecca štohod za najlepšuju knihu, napisanuju na biełaruskaj movie, u žanrach «mastackaja proza» i «eseistyka».
Uznaharody: I miesca — ček na sumu, jakuju kožny hod vyznačaje «Ideja Bank»; II miesca — pierakład tvora na polskuju movu albo tvorčaja stypiendyja ŭ Domie tvorčaści piśmieńnikaŭ, h. Viśbiu, Hotłand (Šviecyja); III miesca — tvorčaja stypiendyja ŭ Ventśpiłsie (Łatvija).
Papiarednimi łaŭreatami premii Hiedrojca byli Pavieł Kaściukievič («Zbornaja Respubliki Biełaruś pa niehałoŭnych vidach sportu», 2012), Uładzimir Niaklajeŭ («Aŭtamat z haziroŭkaj ź siropam i biez», 2013), Ihar Babkoŭ («Chvilinka. Try historyi», 2014).
Ciapier čytajuć
Mackievič: Cichanoŭskuju źniać, zamianić, pieraabrać nielha. Nie mučajciesia. Nielha — i ŭsio46
Kamientary