Interkantynientalny čempijon WBO Alaksandr Vusik abaraniŭ tytuł u pajadynku z čempijonam Rasii Andrejem Kniazievym.
U kijeŭskim Pałacy sportu ukrainiec pieramoh, pasłaŭšy supiernika ŭ nakaŭt. Heta siomaja daterminovaja pieramoha simfieropolca na prafiesijnym rynhu.
Prezident Ukrainy Piatro Parašenka pavinšavaŭ suajčyńnika na svajoj staroncy ŭ Facebook.
«Tam dzie ŭkrainskija kazaki — tam pieramoha!» — napisaŭ Parašenka.
Alaksandr Vusik paśla pieramohi nakaŭtam nad rasijaninam Andrejem Kniazievym adrazu ŭ rynhu padzialiŭsia svaimi emocyjami: «Na rynh vychodziać sapraŭdnyja mužčyny. Chaču padziakavać svajmu supierniku. Ničoha asabistaha, tolki boks. Siabry, siońnia takaja padzieja… Mała taho, što sam boj, tak i majmu treciamu dziciaci siońnia try miesiacy. Dziakuj svajakam, ja vielmi rady. Skončyŭsia Vialiki post — Chrystos Uvaskros! Ź śviatam usich! Taksama dziakuj majmu rodnamu horadu! Simfieropal, ja ciabie lublu! Dziakuj maim rodnym, majoj kamandzie. Dziakuj!» — skazaŭ Vusik.
Baksior Vusik letaś ustaŭ na abaronu niezaležnaści Ukrainy, admoviŭsia pryznać akupacyju Kryma.
Kamientary