U śviatym dla musulman horadzie Mieka ŭ Saudaŭskaj Aravii adkryjecca pieršy chalalny seks-šop. Pra heta paviedamlaje International Business Times.
Termin «chalal» ŭ isłamie aznačaje ŭčynki, dziejańni, rečy i pradukty, jakija nie parušajuć musulmanskich zabaronaŭ. Procilehłym paniaćciu «chalal» ŭ isłamie źjaŭlajecca «charam» — zabaronienyja dziejańni.
Uładalnik kramy — Abdełaziz Aŭrah (Abdelaziz Aouragh), jaki kiruje chalalnym anłajn seks-šopam El Asira ŭ Niderłandach z 2010 hoda.
U seks-šopie, jaki atrymaje nazvu El Asira, buduć pradavacca preziervatyvy, alej, a taksama 18 cacak, jakija adobrany isłamam.
Abdełaziz Aŭrah raspavioŭ, što padobnyja kramy mohuć spryjać palapšeńniu seksualnych adnosin pamiž mužam i žonkaj. «Naš asartymient uklučaje pradukty, jakija pavyšajuć pačućciovaść i palapšajuć atmaśfieru ŭ seksualnaj śfiery», — adznačyŭ ŭładalnik kramy.
U 2013 hodzie turecki biźniesmien Chaluk Murat Demir (Haluk Murat Demire) adkryŭ pieršy internet seks-šop dla musulman u Turcyi. Na sajcie, jaki atrymaŭ nazvu Helal Sex Shop, pradstaŭleny vialiki asartymient tavaraŭ, a taksama dajucca parady ab tym, jak zajmacca seksam tak, kab heta nie supiarečyła relihii.
Ciapier čytajuć
Zała ŭ Minsku ŭstała pry vykanańni «Malitvy» Janki Kupały VIDEA3
Kamientary