Cukierbierh admoviŭ Parašenku ŭ adkryćci ŭkrainskaha ofisa
Zasnavalnik i kiraŭnik Facebook Mark Cukierbierh admoviŭ Piatru Parašenku ŭ prośbie adkryćcia asobnaha ofisa sacsietki va Ukrainie, pieradaje TJournal.
Pa słovach Cukierbierha, kampanija moža adkryć ofis va Ukrainie, ale pakul hetaha nie płanuje, bo prytrymlivajecca minimalnaj kolkaści pradstaŭnictvaŭ pa śviecie.
Siesija pytańniaŭ i adkazaŭ Cukierbierha ŭ Mienła-Park (Kalifornija) pačałasia mienavita z ukrainskaha pytańnia. Jon adznačyŭ, što prośba Parašenki ab adkryćci ŭkrainskaha ofisa stała samym papularnym zapytam za historyju takich mierapryjemstvaŭ.
U kamientarach da pasta Cukierbierha karystalniki masava padtrymali prośbu Parašenki i vykazvali dumki ab tym, što zapisy ŭkraincaŭ błakujucca maderatarami z Rasii, jakija prytrymlivajucca antyŭkrainskich nastrojaŭ.
Cukierbierh padkreśliŭ, što Facebook nie maje ofisa ŭ Rasii. Ruskamoŭny kantent maderujuć ruskamoŭnyja supracoŭniki Facebook z ofisa ŭ Dublinie (Irłandyja).
Facebook atrymaŭ bahata skarhaŭ na roznyja teksty i samastojna pryniaŭ vyrašeńnie ab ich vydaleńni.
Adzinaja pamyłka, jakuju pryznaje Cukierbierh, — niekarektnaje paznačeńnie pryčyny vydaleńnia. Karystalnikam paviedamlałasia, što pasty vydalenyja za zdymki aholenych ciełaŭ («nudity»), kali sapraŭdnaj pryčynaj byli «ahresiŭnyja vykazvańni» («hate speech»).
Ciapier čytajuć
Zahinuŭ biełaruski dobraachvotnik Alaksiej Łazaraŭ2
Kamientary