Pra heta na pres-kanfierencyi paviedamiła namieśnik načalnika inśpiekcyi Ministerstva pa padatkach i zborach Respubliki Biełaruś pa h. Minsku Halina Hurynovič.
«My pracujem tut pa peŭnych napramkach. Pieršuju katehoryju składajuć hramadzianie, jakija sistematyčna pierasiakajuć Dziaržaŭnuju miažu Respubliki Biełaruś, u tym liku ŭvoziać na terytoryju našaj krainy tavary i inšuju majomaść, — patłumačyła Hurynovič. — Druhaja — heta niepracujučyja hramadzianie, a taksama tyja, što atrymlivajuć niaznačnyja dachody, ale zrabili darahija pakupki.
Treciaja katehoryja — heta asoby, jakija atrymali dachody ŭ vyhladzie pazyk i kredytaŭ i dekłarujuć ich u jakaści krynic svaich vydatkaŭ. Zaŭsiody ŭ poli zroku padatkovaj inśpiekcyi byli hramadzianie, jakija ažyćciaŭlajuć bujnyja vydatki, jakija nabyvajuć kvatery, damy padvyšanaj kamfortnaści, ziamielnyja ŭčastki, transpartnyja srodki. U hetym hodzie my zacikavilisia fizičnymi asobami, jakija majuć va ŭłasnaści ŭ Minsku niežyłyja pamiaškańni, — takich hramadzian kala 500, a taksama tymi, chto maje va ŭłasnaści bolš za 4 kvatery. Vyjaŭlena 26 takich minčukoŭ».
Akramia taho, padatkovuju słužbu cikavić infarmacyja pra hramadzian, jakija ažyćciavili stopracentnuju apłatu za žyłyja pamiaškańni, raźmieščanyja ŭ žyłych kompleksach padvyšanaj kamfortnaści — «Akvamaryn», «Park-sici», «Smarahdavy», «Vivaldzi», «Vivaldzi-2», «Čajkoŭski», «Vietraź», a taksama nabyli va ŭłasnaść nieruchomaść koštam zvyš za 1 młrd rubloŭ i aŭtamabili koštam zvyš za 500 młn rubloŭ.
Ciapier čytajuć
81‑hadovuju maci aŭtaryteta Skitova z «Babulinaj krynki» kinuli ŭ SIZA KDB, kab jon narešcie zahavaryŭ8
Kamientary