Mitrapalit Kandrusievič prakamientavaŭ čutki pra mahčymaść kananizacyi Skaryny
Mitrapalit Minska-Mahiloŭski arcybiskup Tadevuš Kandrusievič, abrany ŭ pačatku červienia staršynioj Kanfierencyi katalickich biskupaŭ Biełarusi daŭ intervju partału catholic.by. Zakranuta było i pytańnie kananizacyi biełaruskaha pieršadrukara Franciška Skaryny, inicyjavanaje šeraham biełaruskich dziejačaŭ.
«Naprykład, siońnia vielmi šmat razmoŭ idzie pra kananizacyju Franciška Skaryny. U śvieckich miedyja źjaŭlajucca takija zajavy, što Pravasłaŭnaja Carkva vystupaje suprać, a Katalicki Kaścioł daje zhodu. Ale tak nielha śćviardžać i pisać, bo Kanfierencyja Biskupaŭ nie atrymała anijakaj prapanovy, anijakaha lista, nichto nie źviartaŭsia, kab pačuć ahulnaje mierkavańnie Kaścioła.
I kali chtości skaža, navat kali i śviatar vykaža mierkavańnie, to heta budzie tolki jaho pryvatnaje mierkavańnie. Bo hołasam Katalickaha Kaścioła źjaŭlajecca Kanfierencyja.
Tolki tady možna havaryć, što Katalicki Kaścioł «za» ci «suprać», kali svoj adkaz ahučyć Kanfierencyja.
Asabista kažučy, było b vielmi dobra, kab my mieli jašče adnaho biełaruskaha śviatoha, ale isnuje jašče šmat pytańniaŭ, ź jakimi najpierš treba pracavać historykam», — miarkuje Tadevuš Kandrusievič.
Kamientary