Siońnia pad Mienskam supracoŭniki pałku milicyi specyjalnaha pryznačeńnia zrabili nalot na dom, dzie prachodziła pasiedžańnie Centralnaj Rady Maładoha Frontu. Usich advieźli ŭ RUUS Mienskaha rajonu: bolšaść adpuścili, Daškieviča, Chviedaruka, Fińkieviča, Mackieviča, Jaskieviča, Kasiu Halickuju trymali daŭžej. Urešcie adpuścili ŭsich.
Siońnia maładafrontaŭcy, 31 čałaviek, sabralisia na Centralnuju Radu. Pasiedžańnie prachodziła ŭ v. Zajamačnaje, što za Sosnami pad Mienskam, u pryvatnym domie. A 14-j dom byŭ abkružany AMAPam, vakoł domu pryparkavalisia try aŭtazaki.
A 14.15 AMAPaŭcy ŭsio ž taki ŭłamilisia ŭ dom.
* * *
Jak paviedamiła Nasta Pałažanka, Centralnaja Rada doŭžyłasia chvilin 20.
Paśpieli vystupić tolki Daškievič, Šyła, Fińkievič, Nasta Pałažanka. Paśla hetaha dom byŭ abkružany supracoŭnikami pałka milicyi specyjanlnaha pryznačeńnia. Chvilin 10-15 milicyja hrukała ŭ dźviery, patrabujučy kab ich adčynili. Potym padciahnulisia jašče siły pravaparadku, jakija ŭrešcie i ŭłamilisia ŭ dom.
Kiravaŭ aperacyjaj namieśnik kiraŭnika RUUS Mienskaha rajonu major Michaił Kryž.
Milicyjanty pačali patrabavać dakumenty, a potym, pa słovach A. Fińkieviča, pasprabavali hvałtam vyvodzić dziaŭčat. Chłopcy zastupilisia za ich, zaviazałasia karotkačasovaja bojka.
Urešcie ŭsie 31 čałaviek byli zatrymanyja, pahružany ŭ aŭtobus. U aŭtobusie śpiavali pieśni,raskazvali aniekdoty, žartavali.
Usich advieźli ŭ RUUS Mienskaha rajonu, što na vulicy Skaryny, 20, niepadalok ad MKAD. zaraz, 15:00, usich užo adviali ŭ budynak RUUS.
* * *
Pieršaj na razmovu vyklikali Nastu Pałažanku. Jaje dapytvała Čamadanava Volha Mikałajeŭna.
* * *
19.00 Adpuścili 25 čałaviek: trymajuć Daškieviča, Chviedaruka, Fińkieviča, Mackieviča, Jaskieviča, Kasiu Halickuju.
21.05 Urešcie adpuścili ŭsich, biaz pozvaŭ u sud.
-
Valfovič prakamientavaŭ zajavy SVR i paprasiŭ Jeŭropu nie dyktavać Biełarusi, jak žyć
-
Dziasiatki hadoŭ ekśpiedycyj u adnym jutub-kanale. U Biełarusi prezientavali videarchiŭ Mikoły Kozienki z narodnymi tancami i abradami
-
Niaklajeŭ apublikavaŭ złabadzionny vierš. U im zhadvajecca i Kaleśnikava z Babarykam, i Cichanoŭskaja, i Prakopjeŭ z Paźniakom
Niaklajeŭ apublikavaŭ złabadzionny vierš. U im zhadvajecca i Kaleśnikava z Babarykam, i Cichanoŭskaja, i Prakopjeŭ z Paźniakom23
Kamientary