Novyja OS X i iOS: što cikavaha pakazała Apple

Na kanfierencyi dla raspracoŭščykaŭ WWDC 2015 u San-Francyska, ZŠA, kampanija Apple pradstaviła abnoŭlenyja apieracyjnyja sistemy dla kampjutaraŭ, smartfonaŭ, płanšetaŭ i razumnych hadzińnikaŭ, a taksama novy muzyčny servis.

Strachi pra toje, što ikonki ŭ novych apieracyjonkach stanuć kruhłymi, jak u hadzińnikach Apple Watch, nie spraŭdzilisia: interfiejs zastaŭsia iOS i OS X praktyčna tym ža.

iOS 9: kampaktniej, razumniej, usio pra vas viedaje

U novaj apieracyjoncy dla iPhone i iPad (padtrymlivajucca tyja ž, što i ŭ vypadku iOS 8) hałasavy asistent Siri stanie jašče bolš razumnaj i chutkaj: jana zmoža reahavać na składanyja skazy, blizkija da žyvoj movy.

Pavialičyć

«Pakažy mnie fota, što ja zrabiŭ u minułym hodzie ŭ Vilni», «Nahadaj mnie zajechać u kramu, kali budu na Kalinoŭskaha» — pakaža i nahadaje (padtrymki biełaruskaj movy, viadoma, niama).

U iOS 9 źjavicca režym ekanomii batarei, jaki, jak kaža Apple, dadaść niekalki lišnich hadzin pracy biez padzaradki. Jak mienavita — nieviadoma.

Sistema vyvučyć zvyčki karystalnika: kali vy lubicie zranku słuchać muzyku padčas prabiežki piać raz na tydzień, knopka płejera źjavicca ŭ patrebny čas na ekranie błakiroŭki. Pošuk budzie prapanoŭvać kantakty i prahramy ŭ zaležnaści ad situacyi, a taksama navučycca šukać infarmacyju ŭ inšych prahramach — naprykład, natatniku.

Natatnik, darečy, skambinavali z «malavałkaj» i navučyli składać śpisy, u jakich punkty možna adznačać ptušačkami. A mapy Apple adaptavali dla piešachodaŭ — ciapier maršruty možna budzie składać z ulikam mietro i čyhunki. Prahrama telefanavańniaŭ pryvučanaja šukać nieznajomyja numary ŭ natatkach i pošcie karystalnika. Taksama ŭ iOS 9 źjavicca svoj ahrehatar navin, anałah Flipboard, ale tolki dla ZŠA, Aŭstralii i Brytanii (apošniaj taksama dastaniecca Apple Pay, raniej ekskluziŭna amierykanski).

Pavialičyć

Tolki dla iPad (u poŭnaj miery tolki dla samych apošnich) źjaviŭsia dvuchakonny režym nakštałt tych, što jość u Windows 8 albo na Android-płanšetach Samsung. Kłavijatura na iPad dazvolić ruchać virtualny kursor i zajmieje knopki «Kapijavać», «Ustavić», «Vyrazać», «Dałučyć fajł», «Dałučyć fota».

Novaja iOS vyjdzie dla karystalnikaŭ uvosieni i zojmie ŭsiaho 1,8 Hb zamiest 4,6 Hb. Papiaredniaja viersija dla raspracoŭščykaŭ dastupnaja ŭžo siońnia.

Čytajcie taksama: Novy Android M: piać hałoŭnych źmien

OS X 10.11 El Capitan i watchOS 2: drobnyja dapracoŭki

Apieracyjnaja sistema dla nastolnych kampjutaraŭ i noŭtbukaŭ Apple nabyła šerah drobnych źmien. Biaspłatnaje abnaŭleńnie karystalniki atrymajuć uvosień (beta-viersija dastupnaja ŭžo siońnia). Prahramy ŭ joj, jak kaža Apple, buduć zapuskacca na 40% chutčej, a batareja budzie siadać pavolniej.

Pavialičyć

Pošuk Spotlight zmoža zrazumieć składanyja frazy kštałtu «listy ad Piatra, što ja jašče nie čytaŭ». Braŭzier Safari navučycca zamacoŭvać układki dy pakazvać, jakija ŭkładki hrajuć huk (prosta jak Chrome).

Novy režym raździaleńnia ekranu dla dźviuch prahram «prymahnicić» vokny da krajoŭ ekranu. Kab nie hublać kursor na vialikim ekranie, jaho možna budzie «patreści» — strełačka vyraście ŭ pamierach, kab stać bolš zaŭvažnaj.

U OS X dadali padtrymku API Metal, što dazvolić raspracoŭvać značna bolš składanyja hulni — ciapier jany buduć pracavać da 10 raz chutčej. Praŭda, na prezientacyi demanstravałasia hulnia z davoli prostaj hrafikaj, dy i hulniaŭ dla OS X siońnia zusim niašmat.

Pavialičyć

Apieracyjonka dla razumnych hadzińnikaŭ Apple Watch, što taksama vyjdzie ŭvosień, abzaviadziecca interfiejsam hadzińnika z fota na fonie, a pry žadańni napaminami pra bližejšyja padziei ci fazy Miesiaca. Źjaviacca budzilnik (!) i načny režym (pastajanna ŭklučany ekran pry zaradcy).

Čytajcie taksama: Microsoft prezientavała novyja mahčymaści Windows 10, zamienu Internet Explorer i hałahrafičnyja akulary

Apple Music: radyjo-sacsietka dla siabie i kankurentaŭ

Novy muzyčny servis Apple (nie bojciesia, iTunes nikudy nie źniknie) prapanuje karystalnikam muzyku ŭ zaležnaści ad ich hustaŭ pa sistemie kštałtu Last.fm. Muzyki zmohuć dzialicca svajoj muzykaj, klipami i fota z karystalnikami, jak dzielacca ŭ sacsietkach, a karystalniki zmohuć heta łajkać i kamientavać. Siri budzie ŭmieć uzajemadziejničać z Apple Music.

Pavialičyć

Razam z tym Apple zapuścić ułasnuju anhłamoŭnuju radyjostancyju Beats One, što budzie vieści kruhłasutkavaje viaščańnie ź Ńju-Jorka, Łos-Anželesa i Łondana. Jana budzie dasiažnaja ŭ sotni krain, ale ci jość u toj sotni Biełaruś, nieviadoma.

Muzyčny servis stanie dastupnym 30 červienia za 10 dalaraŭ na miesiac albo za 15 dla siamji z šaści čałaviek, pieršyja try miesiacy biaspłatna. Što cikava, Apple «padzielicca» servisam z płatformami kankurentaŭ: Apple Music vyjdzie ŭ tym liku dla Windows i Android.

• 0
• 0
• 0
• 0
• 0
• 0
• 0
• 0