Sieviaryniec: BCHD budzie źbirać podpisy nie za kandydataŭ, a za vyzvaleńnie Statkieviča i refarmavańnie achovy zdaroŭja
13 červienia ŭ Miensku ŭ Pałacy kultury traktarnaha zavodu adbudziecca ŭstanoŭčy źjezd partyi «Biełaruskaja chryścijanskaja demakratyja». Abrana 200 delehataŭ. Na źjeździe zaćvierdziać abnoŭlenuju i pašyranuju prahramu partyi, abiaruć kiraŭnictva partyi i abmiarkujuć palityčnyja kampanii 2015 hodu. Ciapier BCHD uznačalvajuć troje sustaršyniaŭ — Pavał Sieviaryniec, Vital Rymašeŭski i Hieorhi Dźmitruk.
Taksama budzie zroblenaja piataja sproba zarehistravać partyju.
Sa słovaŭ Paŭła Sieviarynca, niaŭdzieł u prezydenckaj kampanii budzie najlepšaj stratehijaj dla chryścijanskich demakrataŭ.
«My vyrašyli, što nia možam vyłučać svajho kandydata, — kaža Sieviaryniec. — Jak nia možam padtrymać asobaŭ, jakija vyłučylisia ad inšych palityčnych siłaŭ. Pryčyna prostaja — u Biełarusi niama svabodnych i spraviadlivych vybaraŭ. A jak možna ŭdzielničać u tym, čaho niama? Zamiest hetaha my budziem pravodzić masavuju kampaniju zboru podpisaŭ za vyzvaleńnie Mikałaja Statkieviča i inšych palitviaźniaŭ, a taksama za refarmavańnie sfery medycyny. Heta budzie klučavym momantam vosieni-2015 dla BCHD. Heta pazycyja Nacyjanalnaj rady. Zrazumieła, što źjezd moža pryniać luboje rašeńnie, bo jon — vyšejšy orhan. Ja viedaju, što dyskusii na hety kont buduć. Siarod našych siabraŭ jość jak prychilniki jak tatalnaha bajkotu, tak i ŭdziełu ŭ vybarčaj kampanii».
Ciapier čytajuć
Niaklajeŭ apublikavaŭ złabadzionny vierš. U im zhadvajecca i Kaleśnikava z Babarykam, i Cichanoŭskaja, i Prakopjeŭ z Paźniakom26
Kamientary