35 tysiač dalaraŭ — bolš čym u dva razy tańniej za papiarednija «Tesły».
Kampanija Ełana Maska Tesla pradstaviła liniejku elektramabilaŭ Tesla Model 3, pieradaje The Wall Street Journal. Aŭtamabili źjaviacca ŭ prodažy ŭ 2017 hodzie.
U liniejku Model 3 uvajšli siedan i krasovier — padobna, što sproščanyja viersii Model S i Model X. Zapas chodu ad adnoj batarei tym časam nie pamienšyŭsia — bolš za 400 km, jak u samych darahich «Tesłaŭ».
Dyzajn mašyn pakul nie pradstaŭleny.
Mierkavanaja cana — 35 tysiač dalaraŭ — vielmi nizkaja ŭ paraŭnańni z papiarednimi aŭto kampanii i navat z kankurentami, što dazvalaje Tesla nazyvać madeli «elektramabilami dla ŭsich».
Nie tak daŭno karejcy chvalilisia Yebbujana R — niedarahim elektramabilem za 40 tysiač (na adnoj zaradcy možna prajechać 570 km). Chevrolet abiacaje vypuścić elektramabil Bolt pa canie ŭ 38 tysiač (zapas chodu — 320 km).
Taksama Tesla abiacaje raźvić sieryju zaradnych stancyj dla elektramabilaŭ. Ale ŭdakładniaje: jany patrebnyja zbolšaha dla dalokich vandrovak — 90% zaradak batarej pa źviestkach kampanii ŭładalniki «Tesłaŭ» robiać doma ŭnočy. Taksama adznačajecca padzieńnie cen na akumulatary.
Ajcišnika z «Varhiejminha» sudzili pa rasstrelnym artykule. Padobna, za padtrymku Ukrainy — praŭda, zrabić jon ničoha nie paśpieŭ4
Kamientary