Kanadziec zahinuŭ, kali adpraviŭsia šukać smartfon z dapamohaj trekinh-aplikacyi
18-hadovy kanadziec Džeremi Kuk byŭ zastreleny paśla taho, jak adpraviŭsia na pošuki svajho zhublenaha smartfona, čyjo miescaznachodžańnie jon adsačyŭ z dapamohaj pryłady, nakštałt Find my iPhone.
Jak paviedamlaje CBC News, dakładnych detalaŭ zdareńnia niama, nie nazyvajecca i madel telefona. Ale palicyi ličyć, što Kuk zabyŭ svoj smartfon u taksi, a zatym vyznačyŭ jaho miescaznachodžańnie i adpraviŭsia da nazvanaj kropki.
Tam jon ustupiŭ u svarku z tryma mužčynami i pasprabavaŭ siłaj viarnuć telefon. Mašyna, u jakoj znachodzilisia padazravanyja, pačała ruchacca,
Kuk začapiŭsia za dźviery i adbyłosia niekalki strełaŭ. Małady čałaviek pamior da prybyćcia chutkaj dapamohi.
Aŭtamabil padazravanych znojdzieny niepadalok — mierkavanyja złačyncy ŭrezalisia ŭ telefonny słup. Telefon Džeremi znojdzieny tam ža. Palicyja ŭpeŭnienaja, što zahinuły padletak nie mieŭ nijakich suviaziaŭ sa złačyncami da sustrečy ź imi. U vyšuk byli abvieščanyja troje čarnaskurych mužčyn va ŭzroście ad 18 da 21 hoda.
Ci pastupiŭ Kuk pravilna, nie vyklikaŭšy palicyju, a adpraviŭšysia na pošuki samastojna? Palicyja Łondana (horad u Kanadzie, dzie byŭ zabity małady čałaviek) ličyć, što vyklikać pravaachoŭnikaŭ kožny raz nie varta, ale, kali vy bačycie, što telefon znachodzicca ŭ niebiaśpiečnym rajonie, telefanujcie ŭ palicyju.
U siaredzinie krasavika 2014 h Apple, Google, Samsung i Microsoft padpisali pakt, zhodna ź jakim usie ich smartfony, vyrablenyja ź lipienia 2015 buduć abaviazkova ŭklučać funkcyju «knopki-zabojcy», jakaja dazvalaje vydalena adsačyć i zabłakavać pryładu.
Ciapier čytajuć
U Minsku adbylisia masavyja zatrymańni vydaŭcoŭ i kniharaspaŭsiudnikaŭ27
Kamientary