«Antymajdan Biełaruś» pravakuje mahiloŭskich kazakoŭ: «Radzimu abaraniać nie navučylisia. Ci Puškin dla vas nie Radzima?»
Z rezkaj krytykaj prarasijskich arhanizacyj Biełarusi vystupiła papularnaja supołka «Ukantakcie» «Antymajdan Biełaruś». Pryčynaj stała źniaćcio šyldy ź vieršami «Paklopnikam Rasii» z mahiloŭskaha pomnika Alaksandru Puškinu.
«Antymajdan» nazvaŭ hetuju padzieju «hańbaj «ruskaha śvietu» ŭ Mahilovie». Abureńnie vyklikała toje, što nichto navat nie pasprabavaŭ ustupicca za sprečny vierš Puškina.
Asnoŭnaja krytyka była nakiravanaja ŭ adras kazackich arhanizacyj: «Voś hetyja krepkija chłopcy, jakija bravirujuć kryžovymi chadami ŭ Mahilovie, i, napeŭna, ščyra klanucca ŭ addanaści Ajčynie i Bohu. Małajcy. Pryhažuny. Kryžovymi chadami chadzić navučylisia. A Radzimu abaraniać – nie. Ci Puškin dla vas nie Radzima? Ci z tekstam «Paklopnikam Rasii» nie zhodnyja? Dzie vy, mužyki? Soramna», — napisana ŭ «Antymajdanie Biełaruś».
«Kazaki zasc…i zhubić rehistracyju», — prychodziać da vyvadu nieviadomyja aŭtary.
«Antymajdan Biełaruś» – heta supołka prychilnikaŭ «ruskaha śvietu», na jaje padpisana bolš za 2 tysiačy čałaviek. Viadziecca jana na ŭmovach ananimnaści. Viadoma, što adnym z aŭtaraŭ «Antymajdana» źjaŭlaŭsia Ivan Us, syn eks-kandydata ŭ prezidenty Dźmitryja Usa. Siońnia maderataram supołki źjaŭlajecca niechta «Žann Čubukov».
Nahadajem, 6 červienia ŭ Mahilovie kala biblijatečnaha kaledža byŭ ustalavany biust Alaksandra Puškina z uryŭkam ź vierša «Paklopnikam Rasii». Mnohim hetyja radki siońnia padalisia pravakacyjaj, bo Puškin pisaŭ toj tvor paśla zadušeńnia paŭstańnia 1831 hoda, u jakim udzielničała šmat biełarusaŭ. Praz šeść dzion paśla ŭstalavańnia šylda była źniataja pad upłyvam hramadskaści.
Minsk siońnia viečaram pahruziŭsia ŭ ciemru. Paśla zahadu Łukašenki51
Minsk siońnia viečaram pahruziŭsia ŭ ciemru. Paśla zahadu Łukašenki
Ahientka Kardaš vykarystoŭvała seks, kab źbirać infarmacyju pra kalinoŭcaŭ i zavierbavać ukrainskaha kamandzira. A kurataru KDB pisała pra jaho: «Moj łoch»3535
Ahientka Kardaš vykarystoŭvała seks, kab źbirać infarmacyju pra kalinoŭcaŭ i zavierbavać ukrainskaha kamandzira. A kurataru KDB pisała pra jaho: «Moj łoch»35
U Vieniesuele budzie nie prosta vyzvaleńnie palitviaźniaŭ, a amnistyja, pryčym za ŭsie hady. A miascovuju «amierykanku» pieratvorać u hramadskuju prastoru1717
Kamientary