Jeŭrasajuz u piatnicu aficyjna zaćvierdziŭ rašeńnie padoŭžyć na hod sankcyi, uviedzienyja ŭ suviazi z anieksijaj Kryma Rasijaj, u pryvatnaści, zabaronu na naviedvańnie partoŭ paŭvostrava kruiznym sudami z krain ES.
Pryncypovaje rašeńnie ab praciahu ekanamičnych sankcyj u dačynieńni da Kryma i Sievastopala było pryniata Savietam ES 19 červienia, nahadvaje kamiunikie Rady ES.
Ciapier dziejańnie sankcyj, uviedzienych krychu mienš za hod tamu, padoŭžanaje da 23 červienia 2016 hoda.
Abmiežavańni ŭklučajuć zabaronu na impart u ES pradukcyi z Kryma i Sievastopala. Hramadzianam krain ES i kampanijam, jakija bazujucca ŭ ES, zabaraniajecca ŭkładvać srodki ŭ ekanomiku Kryma, u tym liku kuplać nieruchomaść i finansavać krymskija kampanii.
Abmiežavańni padaŭžajucca ŭ śfiery turyzmu, što aznačaje zabaronu na naviedvańnie jeŭrapiejskimi kruiznymi łajnierami krymskich partoŭ, za vyklučeńniem nadzvyčajnych vypadkaŭ. Sankcyi ŭklučajuć zabaronu na ekspart u Krym tavaraŭ i technałohij, jakija vykarystoŭvajucca ŭ transpartnym, telekamunikacyjnym i enierhietyčnym siektarach abo pry zdabyčy nafty, hazu i inšych minieralnych resursaŭ.
Dadzienaje rašeńnie pryniata ŭ ramkach palityki niepryznańnia anieksii Kryma i Sievastopala Rasijaj, adznačajecca ŭ dakumiencie.
U červieni 2014 Jeŭrasajuz upieršyniu zabaraniŭ impart z paŭvostrava bolš za 250 najmieńniaŭ tavaraŭ. U lipieni taho ž hoda była uviedzienaja častkovaja zabarona na inviestycyi ŭ krymskuju ekanomiku, a ŭ śniežni jana stała poŭnaj.
Ciapier čytajuć
Minharvykankam pra vuličnaje aśviatleńnie: Heta była razavaja akcyja. Siońnia ŭklučać a 18-j4
Minharvykankam pra vuličnaje aśviatleńnie: Heta była razavaja akcyja. Siońnia ŭklučać a 18-j
Ahientka Kardaš vykarystoŭvała seks, kab źbirać infarmacyju pra kalinoŭcaŭ i zavierbavać ukrainskaha kamandzira. A kurataru KDB pisała pra jaho: «Moj łoch»3535
Kamientary