Zajaŭka Biełarusi na atrymańnie novaha kredytu ŭ Jeŭrazijskaha fondu stabilizacyi i raźvićcia (JEFRS) moža być razhledžana 3 lipienia. Na hety dzień zapłanavana čarhovaje pasiadžeńnie savieta fondu.
Nahadajem, z zajaŭkaj na atrymańnie novaha kredytu Biełaruś źviarnułasia ŭ Antykryzisny fond JeŭrAzES (15 červienia jon byŭ pierajmienavany ŭ Jeŭrazijski fond stabilizacyi i raźvićcia) u sakaviku hetaha hoda.
«Saviet fondu zapłanavany na 3 lipienia, pasiadžeńnie ekśpiertnaha savieta fondu pavinna adbycca ŭ 20-ch ličbach červienia», — paviedamiŭ BiełaPAN ekśpiert u finansavych kołach. Pavodle jaho słoŭ, na minułym tydni baki pradoŭžyli pieramovy ŭ farmacie videakanfierencyi, u chodzie jakoj abmiarkoŭvalisia paramietry kredytnaj prahramy.
Jak paviedamlałasia raniej, u druhoj pałovie maja Minsk naviedali ekanamisty prajektnaj hrupy fondu. Jany praviali pieramovy ź biełaruskimi ŭładami ab novaj kredytnaj prahramie. Pa vynikach vizitu ŭ Minsk Jeŭrazijski bank raźvićcia, jaki vystupaje kiraŭnikom srodkaŭ fondu, abnarodavaŭ paviedamleńnie, u jakim havaryłasia, što zajaŭka Biełarusi na atrymańnie novaha kredytu moža być razhledžana ŭ kancy pieršaha paŭhodździa 2015 hoda.
Pry hetym ekśpierty fondu, jakija naviedali Minsk, rekamiendavali biełaruskim uładam «jak maha chutčej» ažyćciavić pierachod da akupnych taryfaŭ na płatnyja pasłuhi dla nasielnictva. Akramia hetaha, fond rekamienduje pamienšyć abjom dyrektyŭnaha kredytavańnia ekanomiki.
Raniej Antykryzisny fond JeŭrAzES užo vydzialaŭ Biełarusi finansavy kredyt. U 2011 hodzie było pryniata rašeńnie vydzielić Biełarusi na praciahu troch hadoŭ 3 młrd. dołaraŭ na padtrymańnie płaciežnaha bałansu i papaŭnieńnie zołatavalutnych reziervaŭ. Adnak u pieryjad z 2011 pa 2013 hady Biełaruś atrymała tolki 2,5 młrd. dołaraŭ. Apošni tranš fondu ŭ pamiery 440 młn. dołaraŭ nie byŭ atrymany z-za nievykanańnia biełaruskim bokam umoŭ kredytnaj prahramy.
Ciapier čytajuć
Jak u halečy śpivałasia radnia Łukašenki? Małaviadomyja fakty25
Kamientary