«Admova Jeŭrahrupy dać karotkuju adterminoŭku Hrecyi, kab pravieści refierendum, naniesła ciažkuju škodu jaje imidžu. Mahčyma, niepapraŭnuju», — zajaviŭ pa vynikach sustrečy Jeŭrahrupy ministr finansaŭ Hrecyi Janis Varufakis.
«Prapanovy kredytoraŭ Hrecyi byli technična nieadekvatnyja, uklučajučy ličbavyja nieadpaviednaści», — skazaŭ jon.
«Hetyja prapanovy taksama nie mahli dać novaj nadziei nasielnictvu Hrecyi abo inviestaram. Jany praduhledžvali štomiesiačnyja spravazdačy i analizy, znoŭ i znoŭ da kanca śniežnia pad pahrozaj admovy ad nastupnaha tranšu. Hetyja prapanovy byli niasłušnyja», — adznačyŭ ministr.
«U našaha ŭrada nie było mandata vybarščykaŭ prymać takija prapanovy, ale ŭ nas taksama niama mandata i adchilić prapanovy kredytoraŭ, uličvajučy ŭvieś abjom nastupstvaŭ. Tamu było pryniata rašeńnie ab praviadzieńni refierendumu», — skazaŭ Varufakis.
Varufakis nazyvaŭ siabie «badziažnym marksistam». Paśla taho jak jon na pieramovach pačaŭ pavučać kaleh-ministraŭ Jeŭrazony, jany admovilisia vieści ź im pierahavory.
Ciapier čytajuć
«Muž syšoŭ ź Sipłym i Małym». Imavierna, pad Kramatorskam ukraincy adnym macham ubajdosili troch biełaruskich najomnikaŭ18
Kamientary