«Hazprom» prypyniaje častku rabot pa prajekcie «Paŭdniovy kalidor», realizacyja jakoha praduhledžvaje pavieličeńnie pastavak hazu ŭ centralnyja i paŭdniovyja rehijony RF, a taksama padaču hazu ŭ mahistralny hazapravod «Turecki patok».
Pra heta paviedamili «RIA Novosti» niekalki krynic, znajomych ź situacyjaj.
«Raboty prypyniajuć», — paviedamiŭ adzin z surazmoŭcaŭ ahienctva. Pavodle jaho słoŭ, havorka idzie pra novyja abjekty prajekta. U «Hazpromie» hetuju infarmacyju nie kamientujuć.
Mierkavałasia, što ahulnaja praciahłaść trasy hazatranspartnaj sistemy składzie 2,5 tysiačy kiłamietraŭ. U ramkach prajekta płanavałasia budaŭnictva 10 kampresarnych stancyj ahulnaj mahutnaściu 1,516 HVt. Prapusknaja zdolnaść sistemy hazapravodaŭ «Paŭdniovy kalidor» składzie 63 miljardy kubamietraŭ hazu ŭ hod.
Pieršapačatkova prajekt «Paŭdniovy kalidor» rychtavaŭsia z raźlikam na realizacyju prajekta budaŭnictva hazapravoda pa dnie Čornaha mora ŭ bok Bałharyi «Paŭdniovy patok» mahutnaściu 63 miljardy kubamietraŭ u hod. Adnak u kancy 2014 hoda rasijski bok abviaściŭ ab admovie ad prajekta. Uzamien było vyrašana budavać trubu ŭ Turcyju i stvaryć na miažy z Hrecyjaj hazavy chab dla spažyŭcoŭ Paŭdniovaj Jeŭropy.
-
Ruhinienie: Litva hatova razhledzieć zapyt ZŠA adnavić tranzit biełaruskich uhnajeńniaŭ, kali jon budzie
-
Kiraŭnik MZS Azierbajdžana paviedamiŭ pra «surjoznyja pytańni» da Maskvy praz zakryćcio spravy ab katastrofie łajniera AZAL
-
Zialenski dapuściŭ, što Tramp moža pryjechać va Ukrainu dla padtrymki płana mirnaha pahadnieńnia
Ciapier čytajuć
«Heta ryzykoŭna dla Biełarusi». Zialenski zajaviŭ, što Rasija raźmiaščaje abstalavańnie dla naviadzieńnia šachiedaŭ na dachach biełaruskich šmatpaviarchovikaŭ1616
«Heta ryzykoŭna dla Biełarusi». Zialenski zajaviŭ, što Rasija raźmiaščaje abstalavańnie dla naviadzieńnia šachiedaŭ na dachach biełaruskich šmatpaviarchovikaŭ16
«Hienierał Biada vylecieŭ praz bakavoje škło «Čajki». Małaviadomaja avaryja 1976 hoda, u jakoj zahinuli druhi čałaviek u BSSR i bajavy lotčyk-hienierał22
Kamientary