Piaty miesiac biełarusy zastajucca čystymi pradaŭcami najaŭnaj valuty, padtrymlivajučy stabilna vysokimi abjomy zdačy. Pa dadzienych Nacbanka, u červieni biełarusy pradali najaŭnaj valuty na 106,9 młn dalaraŭ bolš, čym kupili.
U paraŭnańni z majem abjom čystaha prodažu skaraciŭsia amal udvaja. U razhar siezonu adpačynkaŭ biełarusy prykmietna pavialičyli kuplu valuty, ale i abjomy prodažu vyraśli. Pavodle acenak ekśpiertaŭ, abjomy prodažu zastajucca vysokimi z-za źnižeńnia rublovych dachodaŭ i nieabchodnaści trataŭ valutnych źbieražeńniaŭ dla biahučaha spažyvańnia.
Pa dadzienych Nacbanka, u červieni hramadzianie pavialičyli kuplu najaŭnaj valuty na 29,3% u paraŭnańni z majem da 508,3 młn dalaraŭ. Heta maksimalny abjom u hetym hodzie. Prodaž valuty vyras na 2,4% da 615,2 młn dalaraŭ.
Z ulikam bieznajaŭnaha prodažu valuty nasielnictva taksama zastajecca čystym pradaŭcom. U studzieni — červieni hramadzianie pradali 3,657 młrd dalaraŭ, kupili - 2,968 młrd.
Salda kupli-prodažu valuty biełaruskimi subjektami haspadarańnia za šeść miesiacaŭ było taksama admoŭnym. Rezidenty kupili 9,016 młrd dalaraŭ, pradali — 9,078 młrd.
Ciapier čytajuć
«Uśviedamlaju, što mahu stać pieršaj biełaruskaj, jakaja naviedaje ŭsie krainy śvietu». Padarožnica ź Minska razmaŭlaje na 8 movach i maryć pražyć 200 hadoŭ99
Kamientary