16 lipienia ŭ Centralnuju kamisiju Respubliki Biełaruś pa vybarach i praviadzieńni respublikanskich refierendumaŭ (Centrvybarkam) padadzieny dakumienty ab rehistracyi inicyjatyŭnaj hrupy hramadzian pa zbory podpisaŭ vybarščykaŭ pa vyłučeńni Kanaŭca Andreja Uładzimiraviča kandydatam u prezidenty.
Pra heta paviedamlajecca na sajcie CVK.
Kiraŭnik inicyjatyŭnaj hrupy — Dźmitryj Alaksandravič Pilipčuk.
A. Kanaŭcu — 36 hadoŭ, jon zchiaŭlajecca dyrektaram pryvatnaha ŭnitarnaha pradpryjemstva ŭ Navapołacku.
Nahadajem, što ŭ aŭtorak była zarehistravanaja inicyjatyŭnaja hrupa Alaksandra Łukašenki, a ŭ sieradu — Siarhieja Kalakina i Siarhieja Hajdukieviča.
Miarkujecca, što siońnia, jak minimum, buduć padadzienyja dakumienty Taćciany Karatkievič (11:00), Anatola Labiedźki (14:00) i inicyjatyŭnaj hrupy kandydata ŭ prezidenty na vybarach 2010 h., palitviaźnia Mikałaja Statkieviča (15:00).
Termin padačy dakumientaŭ skančajecca zaŭtra, 17 lipienia. A na nastupnym tydni startuje zbor podpisaŭ.
Pra svaje vybarčyja ambicyi raniej zajavili, ale pakul dakumienty nie padali, pradstaŭnik partyi «Zialonyja» Juryj Šulhan, pradprymalnik Juryj Radźkoŭ, kandydat na vybarach 2010 h. Viktar Ciareščanka, pradprymalnik Uładzisłaŭ Citovič.
Piatyja prezidenckija vybary ŭ Biełarusi pavinna prajści 11 kastryčnika.
***
Na vybarach 2010 h. 19 čałaviek zajavili pra svaje prezidenckija ambicyi, ale etap rehistracyi pieraadoleli 10 čałaviek: Łukašenka, Kastusioŭ, Michalevič, Niaklajeŭ, Ramančuk, Rymašeŭski, Sańnikaŭ, Statkievič, Us, Ciareščanka;
Admovilisia abo nie byli zarehistravanyja, abo nie zdali podpisy: Barysaŭ, Hajdukievič, Hłušakoŭ, Dabratvor, Ivanoŭ, Kulikoŭ, Pravalski, Ryžoŭ, Starykava.
Alimpijski čempijon Aramnaŭ: Nam vyhadnaja praciahłaja vajna, i Vova dy Saša ŭ joj pieramohuć14
Kamientary