Alaksiej Dziermant dla «Navin Navarosii»: Zamiest apory na savieckaje minułaje, na vajnu, Ukraina pačała pošuk vorahaŭ u vyhladzie Rasii

Fiłosaf, adzin z zasnavalnikaŭ prajekta «Cytadel» Alaksiej Dziermant daŭ intervju dla sajta «News Front – Naviny Navarosii. DNR, ŁNR siońnia».

Pavialičyć

Viadučy pieradačy Siarhiej Viesiałoŭski nie saromieŭsia ŭ vykazvańniach – «ukrainskaja jeraś», «ukrainskija karacieli», «Ukrainu moža parvać na častki Jeŭropa», «Adeskuju vobłaść pieraŭtvarajuć u internacyjanalny hadziušnik», «nacyski ŭhar».

Dziermant havaryŭ pra kłanavaść ukrainskaj elity. «U Biełarusi adbyłasia revalucyja źvierchu. Zamiena staroj savieckaj namienkłatury, jakaja chacieła stać aliharchami, na vychadca z naroda, narodnaha trybuna. Mienavita tamu mnohija palitołahi nazyvajuć prychod da ŭłady Łukašenki revalucyjaj. Jon surjozna pačyściŭ struktury ŭłady, pryvioŭ z saboj novuju kamandu. Łukašenka zrazumieŭ, što nielha dapuścić zroščvańnie biznesu, byłoj partyjnaj namienkłatury i kryminalitetu. Jon stvaryŭ čystyja dziaržaŭnyja struktury. Na asnovie hetaha i ŭźnikła mocnaja dziaržaŭnaja ŭłada», — skazaŭ Dziermant.

«Va Ukrainie ž usio pajšło pa inšym scenary, partyjnyja kłany zachapili samyja łasyja kavałki ŭkrainskaj ekanomiki, uźnik aliharchat. Zatym dla taho, kab lehitymizvać svaju ŭładu, na hetaj terytoryi pačałosia zalacańnie z radykalnymi nacyjanalistyčnymi idejami.

To bok nie było takoha prajekta, jak u Biełarusi, z aporaj na vajnu, na savieckaje minułaje, na toje, što realna stvaryła Biełaruś. Pačalisia pošuki niejkich staražytnych kazak, bajek, pošuk voraha, najpierš u vyhladzie Rasii, ruskaj movy, ahulnaj historyi».

Tym nie mienš, Alaksiej Dziermant skazaŭ, što źjaŭlajecca «prychilnikam isnavańnia Ukrainy». «Ekśpierymient Lenina i Stalina pa stvareńni nacyjanalnych dziaržavaŭ mieŭ pad saboj asnovu, jon nie taki kiepski, jak kažuć niekatoryja ŭ Rasii. Tym nie mienš, ja nie baču siońnia va Ukrainie, chto moža za Ukrainu realna zmahacca. Dziejnaja ŭłada – słabaja, radykalnyja nacyjanalisty – pracujuć na destabilizacyju. Moža być, niejkija adekvatnyja vajskoŭcy zrazumiejuć, što dla Jeŭropy Ukraina niepatrebnaja. Jana im patrebnaja ŭ jakaści miasa, Samali, nie bolš», — skazaŭ Dziermant.

Viasiełoŭski spytaŭsia: «Da toj pary, pakul nie budzie razburanaje dziaržaŭnaje kiravańnie ŭ krainie, jakoje ŭznačalvajuć zaakijanskija maryjanietki, ničoha nie moža źmianicca. Jany pavinny ci sami źbiehčy, ci ich niechta pavinien adsunuć, lustryravać samym niehumannym sposabam, inšaha šlachu dla vyratavańnia Ukrainy nie isnuje». Dziermant adkazaŭ: «Pakul heta bačycca tak».

Naprykancy pieradačy žurnalist skazaŭ, što zaprasiŭ u efir Alaksieja Dziermanta, kab «byłyja suajčyńniki, jakija žyvuć va Ukrainie, prysłuchalisia da słovaŭ čałavieka, jakija žyvie ŭ Biełarusi».

• 0
• 0
• 0
• 0
• 0
• 0
• 0
• 0