Rasijski muzyka Andrej Makarevič upeŭnieny, što nie dažyvie da taho momantu, kali Rasija stanie takoj, jakoj jon chacieŭ by jaje bačyć.
Pra heta muzykant skazaŭ u intervju vydańniu «Delfi».
Makarevič — adzin ź niamnohich rasijskich kulturnych dziejačaŭ, jakija adkryta vykazvajuć svajo mierkavańnie nakont ułady i Pucina ŭ pryvatnaści. Artyst nie chavaje, što nie ličyć ciapierašniaha prezidenta Rasii hodnym lidaram.
Na pytańnie, što za apošni hod źmianiłasia ŭ jaho krainie, muzyka adznačyŭ:
«Hramadstva aźviareła, zroblena heta vielmi prafiesijna z dapamohaj telebačańnia.
U suviazi z hetym ja nie razumieju adno: napampoŭka pa TB idzie takaja, što niby zaŭtra my ŭsie maršyrujem vajavać. Vielmi spadziajusia, što kiraŭnictva našaj krainy razumieje, što vajavać ciapier ni z kim nie treba — ni ź Jeŭropaj, ni z Amierykaj. Navat z Ukrainaj. I naohuł na nas nichto nie napadaje. Navošta tady hetaja štodzionnaja napampoŭka nianaviści da ŭsiaho śvietu?»
Pra emihracyju artyst nie dumaje, pra ŭstupleńnie ŭ apazicyju — taksama.
«Emihravać — nie. Apazicyja — heta što? Prafiesijnyja baraćbity? Nie majo.
Šmat razoŭ kazaŭ i paŭtaru: prezident — heta nie car i nie boh, heta administracyjnaja adzinka nakštałt domakiraŭnika.
I kali ŭ domie, jaki jaho abraŭ, žyćcio palapšajecca, jamu apładzirujuć. A voś kali ŭsio idzie ŭ *opu, jaho pieraabirajuć. I miarkujučy pa tym, kudy z dapamohaj ciapierašniaha prezidenta ŭsio kocicca — prablem ź pieravybrańniem budzie niašmat», — skazaŭ Makarevič.
Taksama, na dumku muzyki, nie budzie prablem ź infarmacyjnaj vajnoj.
«Zdujucca. Jany nie ŭličyli zdolnaść ludziej da supraćstajańnia psichičnaj defarmacyi. Leki pracujuć, pakul kožny dzień tabletački prymaješ. A potym — usio!» — upeŭnieny jon.
Na pytańnie, jakoj jon by chacieŭ bačyć Rasiju, Makarevič z sumnaj uśmieškaj adkazaŭ:
«Jakoj ja jaje nikoli nie pabaču — paśpiachovaj, haścinnaj, raźvitoj… Nie dažyvu».
Ciapier čytajuć
Biełarus, jaki vajavaŭ za Ukrainu, raspavioŭ, čym jaho začaravała kachanka Ina Kardaš, ahientka KDB23
Biełarus, jaki vajavaŭ za Ukrainu, raspavioŭ, čym jaho začaravała kachanka Ina Kardaš, ahientka KDB
«Ź mianie ničoha nie voźmieš, a ludzi paciarpieli». Para piensijanieraŭ druhi hod nie moža vypisać ź minskaj kvatery šmatdzietnuju siamju emihrantaŭ44
«Ź mianie ničoha nie voźmieš, a ludzi paciarpieli». Para piensijanieraŭ druhi hod nie moža vypisać ź minskaj kvatery šmatdzietnuju siamju emihrantaŭ4
Učora — u łukašenkaŭskaj turmie, siońnia — u Kijevie dapamahaje ŭkraincam vyžyć. Były palitviazień i svajak Cichanoŭskaj staŭ vałancioram u Punkcie niazłomnaści66
Kamientary